جولائی ءَ درملکی سرمایہ کاری ءِ منافع ءِ حوالہ جات ءَ گیشی بوتگ، حجم 261.4 ملین ڈالر ءِ سر ءَ انت، اسٹیٹ بینک

اسلام آباد۔24اگست  (اے پی پی): مالی سال ءِ اولی ماہ ءَ پاکستان ءَ درملکی سرمایہ کاری ءِ منافع ءِ زرّ ءِ دیم دیگ ءَ سالانہ بنیاد ءَ 7.1درسد ءُ ماہانہ بنیاد ءَ 72.6درسد ءِ گیشی بوتگ۔ اسٹیٹ بینک ءِ رد ءَ جولائی ءَ درملکی سرمایہ کار ءُ کمپنی آنی نیمگ ءَ ملک ءَ سرمایہ کاری ءِ سر ءَ چہ رستگیں منافع ءِ رد ءَ 261.4ملین ڈالر درملک ءَ ٹرانسفر کنگ بوتگ کہ گوستگیں سال ءِ جولائی ءِ مقابلہ ءَ 7.1درسد گیش اِنت۔ گوستگیں سال ءِ جولائی ءَ درملکی سرمایہ کار ءُ کمپنیاں سرمایہ کاری ءِ سر ءَ چہ رستگیں منافع ءِ رد ءَ 244 ملین ڈالر درملک ءَ دیم داتگ۔ جون ءِ مقابلہ ءَ جولائی ءَ سالانہ بنیاد ءَ درملکی سرمایہ کاری ءِ منافع ءِ ٹرانسفر ءِ تہا 72.6درسد ءِ گیشی ریکارڈ کنگ بوتگ، جون ءَ درملکی سرمایہ کاری ءِ سرا منافع ءِ رد ءَ 151.4ملین ڈالر ءِ درملکی زرّ درملک ءَ ٹرانسفر کنگ بوتگ۔ جولائی ءَ مالیاتی کاروباری شوبگ ءَ سرمایہ کاری ءِ منافع 61.9 ملین ڈالر، بجلی ءِ تہ ءَ 73.1 ملین ڈالر، وردن ءِ تہ ءَ 8.8 ملین ڈالر، مواصلات ءِ تہ ءَ 24 ملین ڈالر، تمباکو ءُ سگریٹ ءِ تہ ءَ 14.6 ملین ڈالر، ٹرانسپورٹ ءِ تہ ءَ 11.5 ملین ڈالر، مشروبات ءِ تہ ءَ 12.9 ملین ڈالر، گیس ءِ تہ ءَ 8.4 ملین ڈالر ءِ ریکارڈ کتگ۔ ریسرچ، اشکر ءِ چات ءُ کار کنگ ءِ تہا 8.5 ملین ڈالر، ءُ دگہ شعبہ آں سرمایہ کاری ءِ منافع ءِ تہا 33.5 ملین ڈالر۔