فوسپاہ ءِ محتسب فوزیہ وقار ءَ صدر آصف علی زرداری ءَ گوں گند ءُ نند کتگ، 2025ءِ واستہ ادارگ ءِ سالانہ رپورٹ پیش

اسلام آباد۔19اگست  (اے پی پی): صدر ءِ مملکت آصف علی زرداری ءَ کار جاہ ءَ اراسمنٹ ءِ شکایت آنی ترند ءُ جوانیں گیواری ءَ را دل یکیمی کنگ ءِ واستہ اندری کارروائی ءُ نگرانی ءِ نظام ءَ را گیش مھکم کنگ ءِ ضلورت ءِ سر ءَ زور پر دات۔ چار شمبے ءِ روچ ءَ صدر ءِ مملکت ءِ کارگس ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ اے گپ صدر ءِ مملکت ءِ کارگس ءَ زالبول آناں آزار ءُ اذیت ءَ چہ رکھینگ ءِ وفاقی محتسب فوزیہ وقار ءَ گوں گند ءُ نند ءِ ساھت ءَ گوشت کہ آئی ءَ آئی ءَ را ادارگ ءِ سالانہ رپورٹ پیش کتگ 2025 ءِ واستہ۔ کارجاہ ءِ سر ءَ آزار ءُ اذیت ، ادارگ ءِ نیمگ ءَ چہ داتگیں ھزمت آنی بابت ءَ الس ءَ را سرپدی ءِ مہم آنی تہ ءَ گیشی ءِ سر ءَ زور پر دات۔ صدر ءِ مملکت ءَ را سرپد کنگ بوت کہ 2024-25ءِ ساھت ءَ فوسپاہ ءَ را آزار ءُ اذیت ءِ 1119 شکایت رستگ انت ایشی ءِ تہ ءَ 1047 شکایت آنی سر ءَ پیسلہ کنگ بوتگ۔ ھمے رنگ ءَ جائیداد ءِ زبھری ءِ ھوالگ ءَ 352 شکایت رستگ کہ ایشی ءِ تہ ءَ 238 شکایت ھلاس کنگ بوتگ اَنت۔ صدر ءِ مملکت ءَ را پیش کتگیں رپوٹ ءِ تہ ءَ گوشگ بوتگ کہ گوستگیں سال ءِ مقابلہ ءَ شکایت آنی درج کنگ ءِ تہ ءَ 375درسد گیشی بوتگ۔ صدر مملکت ءَ اے گپ ءِ سر ءَ زور پر دات کہ شکایت آناں منصفانہ رنگ ءَ چار ءُ تپاسی کنگ بہ بیت ءُ میرٹ ءِ سر ءَ قانونی لوٹ آنی رد ءَ جوانیں کارروائی کنگ بہ بیت تانکہ آزار ءُ اذیت ءِ حقیقی وئیل آناں زوت گیواری کنگ بہ بیت، وھدیکہ الزام آناں کانود ءِ رد ءَ جوانیں رنگ ءَ چار ءُ تپاسی کنگ بہ بیت۔ گند ءُ نند ءِ وھد ءَ سینیٹر سلیم منڈوی والا ھم ھوار ات۔