سندھ یونیورسٹی ءِ نودربراں نیشنل کلائمیٹ جسٹس یوتھ فلم فیسٹیول 2026 ءَ سیمی داد گپتگ

اسلام آباد۔19اگست  (اے پی پی): سندھ یونیورسٹی ءِ میڈیا ءُ کمیونیکیشن اسٹڈیز ءِ شعبہ ءِ نودربراں نیشنل کلائمیٹ جسٹس یوتھ فلم فیسٹیول 2026 ءَ سیمی داد گپتگ کہ انڈس کنسورشیم ءِ چیر دستی ءَ پاکستان ریڈ کریسنٹ ءِ  ہیڈکوارٹرز، سیکٹر ایچ8/2 اسلام آباد  ءِ بنجاہی کارگس ءَ برجم دارگ بوتگ۔ اے میلہ ءِ تہ ءَ ”الیکٹرک گاڑی ءُ آب و ہوا ءِ بدلی ءِ ھلاپ ءَ جنگ ءِ تہ ءَ آھانی کرد“ ءِ سرھال ءِ سر ءَ دلگوش گور کنگ بوتگ۔ اے میلہ ءِ تہا جتا جتائیں یونیورسٹی آنی نودربر ءُ ورنا فلم سازاں بہر زرتگ ءُ موسمیاتی بدلی، چاگردی چیلنج ءُ ممکنہ گیواری ءِ سرا چمشانک داتگیں دستاویزی فلم پیش کتگ۔ سندھ یونیورسٹی ءِ نیمگ ءَ چہ سوبمندیں ٹیم ءِ تہ ءَ شیان علی، علیشا رند، شہناز بلوچ ءُ ذوالفقار لاشاری ہوار بوتگ اَنت کہ اے درست سندھ یونیورسٹی جامشورو ءِ میڈیا ءُ کمیونیکیشن اسٹڈیز ءِ شعبہ ءِ نودربر اَنت۔ ایشانی اے سوبمندی ءَ چہ راجی تک ءِ میلہ ءَ یونیورسٹی ءُ شعبہ ءَ را شناخت رستگ۔ اے مراگش ءَ سینیٹر پونجا مل ءُ سندھ یونیورسٹی ءِ وائس چانسلر پروفیسر ڈاکٹر فتح مری ءَ مہمان ءِ بستار ءَ بہر زرتگ ءُ سوبمندیں نودربر آنی نیام ءَ ایوارڈ بھر ءُ بانگ کتگ۔ وائس چانسلر پروفیسر ڈاکٹر فتح مری ءَ ھواریں مردماں گوں تران کنان ءَ جتا جتائیں یونیورسٹی آنی نودربر آنی کوشست آناں سک باز ساڑات ءُ میلہ ءِ تہ ءَ پیش کنگ بوتگیں دستاویزی فلم آنی کوالٹی ءِ توسیپ کت۔ آئی ءَ گوشت کہ وھد اتکگ کہ ورنا موسمیاتی بدلی ءِ گیش بوھوکیں چیلنج ءَ را گیواری ءِ تہ ءَ سرگرمیں کرد پیلو بہ کن اَنت۔

پروفیسر مری ءَ گشتگ کہ اے میلہ ءِ بنگپ ءِ سرا ہما زمانگ ءِ چاگردی چیلنج سک باز ہمگرنچ انت۔ آئی ءَ اے گپ ءِ سر ءَ زور پر دات کہ الیکٹرک گاڑی آنی نیمگ ءَ رھادگ بوھگ ناگزیر بوھگ ءَ اِنت پرچا کہ ملک کاربن ءِ کشگ ءَ را کم کنگ ءُ ساپ ءُ سلہ ءِ ٹرانسپورٹ ءَ را دیمروئی دیگ ءِ کوشست کنگ ءَ اَنت۔ آئی ءَ گوشت کہ پاکستان حکومت 2030ءَ تاں ملک ءَ نوکیں گاڑی آنی تہ ءَ 30درسد الیکٹرک گاڑی آنی رنگ ءَ بہا کنگ ءِ ٹارگٹ ءِ سر ءَ سر بوھگ ءِ واستہ کوشست کنگ ءَ اِنت۔ وائس چانسلر ءَ یونیورسٹی آف سندھ ءِ نودربر ءُ ایندگر درستیں بھر زوروک آناں موسمی بدلی ءِ بابت ءَ سرپدی پیداک کنگ ءِ واستہ وتی نبشتہ کاری ءِ کوشست ءُ دستاویزی فلم جوڑ کنگ ءِ کارمرد کنگ ءِ واستہ مبارک بات دات۔ آئی ءَ اے مراگش ءِ برجم دارگ ءُ ورنا آناں وتی نبشتہ کاری ءِ درشان کنگ ءُ ھاسیں چاگردی جیڈھ آنی گوما ھوار بوھگ ءِ واستہ پلیٹ فارم ءِ پھجارینگ ءِ واستہ سندھ کنسورشیم ءِ ھم ستا کرتگ۔

پروفیسر مری ءَ گوشت کہ ورنا آناں موسم ءِ ھوالگ ءَ گامگیج آنی تہ ءَ ھوار کنگ یک جوانیں ءُ المی ئیں گامگیج اِنت، ورنا ایوک ءَ آیوکیں وھد نہ اَنت بلکیں موسمی بحران ءِ گیواری ءِ ھاسیں بھر اَنت۔ اے مراگش ءَ سندھ زرعی یونیورسٹی ، ٹنڈو جام ءِ پروفیسر ڈاکٹر اسماعیل کنبھر ، سندھ یونیورسٹی ، میڈیا ءُ کمیونیکیشن اسٹڈیز ءِ شعبہ ءِ چیئرمین ڈاکٹر محمد قاسم نظامی ءُ یونیورسٹی جامشوروند ءِ سینئر ٹیکنیکل ایڈوائزر ذوالفقار پنہور ءَ بہر زرتگ ۔ شیان علی، علیشا رند، شہناز بلوچ ءُ ذوالفقار لاشاری ءِ نیمگ ءَ سیمی داد ءِ سوبمندی ءَ را سندھ یونیورسٹی ءُ میڈیا ءُ کمیونیکیشن اسٹڈیز ءِ شعبہ ءِ ھاتر ءَ یک مزنیں سوبمندی یے ءِ رنگ ءَ ستا دیگ بوت کہ ایشی ءَ چہ نودربر آنی چاگردی کمیونیکیشن ءُ چاگردی رد ءَ دستاویزات ءِ تہ ءَ گیش بوھوکیں کرد ءِ درشانی کنگ بیت۔