اسلام آباد۔19اگست (اے پی پی): مزن وزیر محمد شہباز شریف ءَ ملک ءِ دیمروئی ءُ انسانی اولویت آنی تہ ءَ اقوام متحدہ ءِ برجاھیں کمک ءِ ستا کرتگ ، ھاسیں رنگ ءَ موسمیاتی بدلی ، پائیدار دیمروئی ءُ قدرتی آفت آنی آسر آنی گیواری ءِ تہ ءَ ، ءُ امیت ءِ درشانی کتگ کہ پاکستان ءُ اقوام متحدہ ءِ نیام ءَ نزیکیں شریکداری گیش مھکم بیت۔ آئی ءَ پاکستان ءَ …
پاکستان ءُ اقوام متحدہ ءِ نیام ءَ نزیکیں شریکداری ءَ را گیش مھکم کنگ ءِ واستہ مزن وزیر شہباز شریف ءَ پاکستان ءَ اقوام متحدہ ءِ نندوکیں ءُ انسانی کمک ءِ کوآرڈینیٹر محمد یحییی ءَ گوں گپ ءُ تران کتگ
گیشتریں ھال
اسلام آباد۔19اگست (اے پی پی): مزن وزیر محمد شہباز شریف ءَ ملک ءِ دیمروئی ءُ انسانی اولویت آنی تہ ءَ اقوام متحدہ ءِ برجاھیں کمک ءِ ستا کرتگ ، ھاسیں رنگ ءَ موسمیاتی بدلی ، پائیدار دیمروئی ءُ قدرتی آفت آنی آسر آنی گیواری ءِ تہ ءَ ، ءُ امیت ءِ درشانی کتگ کہ پاکستان ءُ اقوام متحدہ ءِ نیام ءَ نزیکیں شریکداری گیش مھکم بیت۔ آئی ءَ پاکستان ءَ اقوام متحدہ ءِ نندوکیں ءُ انسانی کمک ءِ کوآرڈینیٹر محمد یحییی ءَ گوں گپ ءُ تران کنگ ءَ ات آئی ءَ چار شمبے ءِ روچ ءَ ادا الوداعی کال کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ وتی دور ءَ پاکستان ءُ اقوام متحدہ ءِ نیام ءَ کمک ءَ را مھکم کنگ ءِ واستہ محمد یحیی ءِ شگر ءُ منت گپت۔ آئی ءَ پاکستان ءِ دیمروئی ءُ انسانی اولویت آنی واستہ اقوام متحدہ ءِ ٹیم ءِ برجاھیں کمک ءِ ھم ساڑات، ھاسیں رنگ ءَ موسمیاتی بدلی، پائیدار دیمروئی ءُ قدرتی آفت آنی گر ءُ دار ءِ اثر آنی گیواری ءِ واستہ آئی ءِ صلاحیت ءِ ھم ستا کرتگ۔ مزن وزیر ءَ پاکستان ءِ واستہ جھان ءِ کمک ءِ ھاترا ھاسیں رنگ ءَ 2022ءِ سیلاب ءِ وھد ءَ اقوام متحدہ ءِ کوشست آناں ساڑات۔ مزن وزیر ءَ محمد یحییی ءَ را انسانی کمک ءِ کارگس ءِ کمکی سیکرٹری جنرل ءُ اقوام متحدہ ءِ انسانی کمک ءِ کارگس ءِ تہ ڈپٹی ایمرجنسی ریلیف کوآرڈینیٹر ءِ بستار ءَ گچین کنگ ءِ پد ءَ مبارک بات دات۔ آئی ءَ محمد یحییٰ ءَ را وتی نوکیں ذمہ واری آنی پیلو کنگ ءِ وھد ءَ وشیں واب ءُ نیکیں واھشت گوشت ءُ امیت کت کہ پاکستان ءُ اقوام متحدہ ءِ نیام ءَ نزیکیں شریکی ءَ را گیش مھکم کنگ بیت۔ مزن وزیر ءِ گرمیں وش اتک ءِ شگر ءُ منت گپت ءُ محمد یحییٰ ءَ وتی حکومت ءِ ساھت ءَ پاکستان حکومت ءِ نیمگ ءَ آئی ءُ اقوام متحدہ ءِ ملکی ٹیم ءِ کمک ءِ سر ءَ شگر ءُ منت گپت۔ آئی ءَ پاکستان ءِ دیمروئی ءُ انسانی کمک ءِ ایجنڈا ءِ کمک ءَ را برجاہ دارگ ءِ اقوام متحدہ ءِ عزم ءِ سر ءَ زور پر دات۔ گند ءُ نند ءَ نائب مزن وزیر ءُ دری کارانی وزیر سینیٹر محمد اسحاق ڈار، مزن وزیر ءِ ھاسیں کمکار سید طارق فاطمی، ءُ ایندگر مزنیں سرکاری کارندہ ھم ھوار اتنت۔
