بلوچستان ءَ امن ءُ ایمنی ، دیمروئی ءُ راج ءِ وشھالی ءِ واستہ وفاقی ءُ صوبائی حکومتانی نیام ءَ جوانیں ھمگرنچی المی اِنت، آصف علی زرداری

اسلام آباد ءِ سرا بوتگ۔ 19اگست (اے پی پی) صدر آصف علی زرداری ءَ گوشت کہ بلوچستان ءَ امن ءُ ایمنی، دیمروئی ءُ السی گہبودی ءِ واستہ وفاقی ءُ صوبائی حکومت آنی نیام ءَ موثر رابطہ المی انت۔ چار شمبے ءِ روچ ءَ صدارت ءِ پریس ونگ ءِ رد ءَ آئی ءَ اے ھیالانی درشانی بنجاھی وزیر بلوچستان میر سرفراز بگٹی ءَ گوں گند ءُ نند ءِ ساھت ءَ کت اَنت آئی ءَ ادا صدارت ءِ تہ ءَ آئی ءَ گوں گند ءُ نند کت۔ صدر ءِ مملکت ءَ گوشت کہ دمگ ءِ رد ءَ پاکستان ءِ مستریں صوبہ ھاسیں دلگوشی ءُ وسیلگ ءِ مستحق اِنت، بلوچستان ءِ دیمروئی ءِ دیم ءَ اڑاند ءِ واستہ درائیں سرپرستی ءَ کار کنوکیں ناشرکار آنی کوشست ہر پیم ءَ ناکام کنگ بنت، آ روچ دور نہ اِنت کہ بلوچستان ءَ چہ ناشرکاری ھلاس کنگ بیت۔ صدر ءِ مملکت ءَ را بلوچستان ءِ سرجمیں جاور ھال ءُ صوبہ ءِ تہ برجاھیں دیمروئی گامگیج آنی بابت ءَ ھم سرپد کنگ بوت۔ اے موہ ءِ سر ءَ پیپلز پارٹی ءِ زالبولانی گل ءِ صدر فریال تالپور ءُ بلوچستان ءِ پیسریگیں وزیر میر علی حسن زہری ھم ھوار بوتگ اَنت۔