مکہ ءِ یکجائی دیمپانی منوگری: وفاقی دارالحکومت پاکستانی، ترکی ءُ سعودی عرب ءِ بیرک ، الیکٹرک لائٹ ءُ ایل ای ڈی اسکرین ءَ گوں سمبھینگ  بوتگ

اسلام آباد۔8اگست  (اے پی پی): پاکستان، ترکی ءُ سعودی عرب ءِ نیام ءَ مکہ ءِ یکجائی دیمپانی منوگری ءِ موہ ءَ وفاقی بنجاھی دارالحکومت اسلام آباد ءَ ھاسیں رنگ ءَ الیکٹرک لائٹ، راجی بیرک ءُ ایل ای ڈی اسکرین ءِ گوما سمبھینگ بوتگ ۔ پاکستان، ترکی ءُ سعودی عرب ءِ راجی بیرک آئین ءِ شاہراہ ءِ سرا ایر کنگ بوتگ انت (وھدے کہ پارلیمنٹ ہاؤس ءَ ھوار ھاسیں سرکاری ماڑی ھم جوانیں رنگے ءَ الیکٹرک لائٹ ءُ ھاسیں زیب ءُ زیبائی ءَ گوں زیب داتگ انت)۔ وفاقی دارالحکومت ءِ ھاسیں جاھاں آئین ءِ شاہراہ ءُ آمید گس ءِ میدان ءَ ھوار ھاسیں ایل ای ڈی اسکرین ایر کنگ بوتگ انت کہ ایشی ءَ چہ سئیں براتیں اسلامی ملک آنی نیام ءَ برات ءِ گہتریں سیادی، یکے دومی ءِ کمک ءُ یکجائی دیمپانی جزم ءِ سر ءَ چمشانک دیگ بوتگ۔ شپ ءَ پاکستان، ترکی ءُ سعودی عرب ءِ راجی بیرک، رژنائیں ایل ای ڈی اسکرین ءُ الیکٹرک لائٹاں گوں سمبھینگ بوتگیں کنسٹٹیوشن ہائی وے، پارلیمنٹ ہاؤس ءُ دگہ سرکاری ماڑی سکیں جوانیں ءُ دلکشیں ندارگے پیش دار اَنت۔ ایل ای ڈی اسکرین ءِ سر ءَ نامداریں مردم مکہ ءِ یکجائی دیمپانی منوگری ءِ ارزشت ءُ پاکستان، ترکی ءُ سعودی عرب ءِ نیام ءَ مھکمیں براتی سیادی ءِ درشان کنگ ءَ انت۔ آئین ءِ شاہراہ کہ سئیں ملک آنی بیرکاں گوں سمبھینگ  کنگ بوتگ اسلام آباد ءِ زیبائی ءَ را گیش گیش کنگ ءَ اِنت۔ فدرال دارالحکومت ءِ خاصیں زیب ءُ زیبائی براتیں اسلامی ملکانی نیام ءَ براتی، یکے دومی ءِ سرا اعتماد، دیمپانی تعاون ءُ مشترکہ جزم ءِ یک زیبائیں جلوہ یے جوڑ بوتگ۔ اسلام آباد ءِ کوچگ ءُ ھاسیں جاہانی سرا ھاسیں زیب ءُ زیبائی شہری آنی دلگوش ءِ مرکز بوتگ۔ شہری آں براتیں ملک آنی نیام ءَ گیش بوھوکیں کمک ءُ نوکیں دیمپانی منوگری ءِ سر ءَ وتی وشی ءِ درشان کت ءُ ھاسیں زیب ءُ زیبائی ءَ را ساڑات۔