چیئرمین سید یوسف رضا گیلانی ءَ مکہ ءِ یکجائی دیمپانی منوگری ءَ  را وش اتک کتگ

اسلام آباد۔8اگست  (اے پی پی): چیئرمین سینیٹ سید  یوسف رضا گیلانی ءَ مکہ ءِ یکجائی دیمپانی منوگری ءِ سر ءَ دستخط ءِ بنگیج کت ءُ اے منوگری ءَ را دمگی امن، اجتماعی ایمنی ءُ براتیں ملک آنی نیام ءَ مھکمیں کمک ءِ واستہ یک ھاسیں سنگ میل ءِ رنگ ءَ لیک ات۔ سیکرٹریٹ ءِ رد ءَ شمبے ءِ روچ ءَ وتی بنگیجی گشتانک ءَ ایس سی او ءِ چیئرمین ءَ گوشت کہ اے منوگری امن، استحکام ءُ اسٹریٹجک شریکداری ءِ واستہ یکجائی جزم ءِ درشان اِنت ایشی ءَ چہ مسلم دگنیا ءَ یکوئی ءُ کمک ءَ را گیش مھکم کنگ بیت۔ سید  یوسف رضا گیلانی ءَ پاکستان ءِ سیاسی ءُ فوجی سروکی ءِ بے مٹیں ءُ سفارتی کوشست آناں وشیں رنگے ءَ شگر ءُ منت گپت ءُ گوشت کہ آھانی لگن ءَ پاکستان ءِ جھان ءِ بستار ءَ را بُرز کتگ ءُ پاکستان ءِ جوانیں عکس ءَ را گیش مھکم کتگ کہ آ یک ذمہ وار، امن دوستیں راج ءِ بستار ءَ امن ءِ دیمروئی ءِ واستہ جزم انت۔ چیئرمین ءَ منوگری ءِ کامیابی ءِ واستہ نیکیں واھشت آنی درشان کت ءُ دعا کت کہ اللہ تعالیٰ اے راجدپتری گامگیج ءَ را قبول بہ کنت ءُ مسلمان امت ءَ را دائمی امن ایمنی ءُ وشھالی بہ دنت۔