آزات جموں ءُ کشمیر ءِ گچین کاری ، سیاسی گلاں راج ءِ واھشت ءِ احترام کنگ ءُ پختگی ءِ درشان کنگ لوٹ ایت ، وزیر مملکت شزرہ منصب

اسلام آباد۔8اگست  (اے پی پی): موسمیاتی بدلی ءُ چاگردی رابطہ ءِ وزیر مملکت ڈاکٹر شزرہ منصب علی خان کھرل ءَ گوشت کہ پاکستان پیپلز پارٹی آزاد جموں کشمیر ءَ کارکردگی پیش دارگ ءَ ناکام بوتگ وھدیکہ پاکستان مسلم لیگ ءِ صدر محمد نواز شریف ءِ جلسہ ءِ سر ءَ لس رد عمل ءِ رد ءَ پاکستان مسلم لیگ ءِ صدر محمد نواز شریف ءِ نیمگ ءَ چہ اے گپ ءِ پدر کنگ بوتگ۔ شمبے ءِ روچ ءَ پرائیویٹ ٹی وی ءَ گوں گپ ءُ تران کنان ءَ آئی ءَ گشتگ پیپلز پارٹی وتی سیاسی پلہ مرزی ءِ مھکم کنگ ءِ ھاتر ءَ لس ایراد ءِ سرا زور دیگ ءَ انت ۔ آئی ءَ گوشت کہ سیاسی گل الس ءِ واھشت ءِ احترام ءَ بہ کن اَنت ءُ پختگی ءِ درشان ءَ بہ کن اَنت۔ پیپلز پارٹی ءَ گوں وتی آتشیں جوش ءُ جزبگ ءَ لس مھلوک ءِ دیم ءَ ھما بیان دات کہ جمہوری قدر ءُ قیمتانی ھلاپ اتنت۔ وزیر مملکت ءَ گوشت کہ ایوک ءَ الزام جنگ بس نہ اِنت بلکیں سیاسی گل ھم وتی الزام آنی حمایت ءَ ٹھوس شواہد پیش بہ کن اَنت۔