مزن وزیر شہباز شریف ءَ ہنگو ءَ ناشرکارانی ھلاپ ءَ آپریشن ءِ وھد ءَ کیپٹن حمزہ اکرم ءِ شہید بوھگ ءِ سر ءَ غم درشان

اسلام آباد۔8اگست  (اے پی پی): مزن وزیر محمد شہباز شریف ءَ ہنگو  ءَ ناشرکارانی ھلاپ ءَ آپریشن ءِ وھد ءَ کیپٹن حمزہ اکرم ءِ شہید بوھگ ءِ سر ءَ غم ءُ اندوہ ءِ درشان کتگ ۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ بھارت ءِ سرپرستی ءَ فتن خوارج ءِ حلاف ءَ آپریشن ءِ وھد ءَ کیپٹن حمزہ اکرم ءِ شہادت ءِ سر ءَ دلپدردی ءِ درشانی کتگ ءُ کپتان ءِ بہادری، دلیری ءُ احساس ءَ را شگر ءُ منت درشان کتگ۔ مزن وزیر ءَ گوشت کہ ناشرکار آنی گوما دیم پہ دیم بوھگ ءِ وھد ءَ کیپٹن حمزہ اکرم دلیری ءَ گوں شہید بوتگ۔ مزن وزیر ءَ ہنگو منش آپریشن ءَ 7 خوارج ءِ کوش ءِ پد ءَ سیکورٹی فورسز ءَ را متا درائی کت۔ آئی ءَ گوشت کہ راج وتی بامردیں زھگ آنی قربانی ءَ را کدی شموشکار نہ بیت۔ مزن وزیر ءَ دعا کت کہ اللہ تعالیٰ شہیدانی درجہ برز بہ کنت ءُ آہانی کہول ءَ را سگ ءُ اوپار بہ دنت۔ مزن وزیر ءَ تاں ناشرکاری ءِ سرجمیں ھلاسی ءَ تاں فتنہ خوارج ءِ حلاف ءَ آپریشن برجاہ دارگ ءِ جزم ءِ درشان کنان ءَ گوشت کہ ملک ءُ راج ءِ رکھینگ ءُ امن ءُ ایمنی ءِ واستہ مئے بہادریں قوت ءُ کانود نافذ کنوکیں ادارگ آنی قربانی بے سوب نہ بنت۔