اسلام آباد۔8اگست (اے پی پی): مزن وزیر محمد شہباز شریف ءَ میجر طفیل محمد شہید ءَ را نشان حیدر ءَ را توسیپ ءُ ستا پیش کت۔ ءُ گوشت کہ آئی ءَ ملک ءِ دفاع ءِ واستہ وتی سر ءِ ندر کنگ ءَ یک ابدمانیں راجدپتر ءِ جوڑ کتگ، راج وتی شہید آنی قربانی آناں کدی شموشت نہ کنت۔ شمبے ءِ روچ ءَ میجر طفیل محمد شہید ءِ 68می بیرانی ءِ …
میجر طفیل محمد ءَ وطن ءِ دیمپانی ءِ ھاتر ءَ وتی جان ءِ ندر کنگ ءَ یک بے دروریں راجدپتر ءِ جوڑ کت، راج ھچبر شہیدانی قربانی ءَ شموشکار نہ بیت، مزن وزیر
گیشتریں ھال
اسلام آباد۔8اگست (اے پی پی): مزن وزیر محمد شہباز شریف ءَ میجر طفیل محمد شہید ءَ را نشان حیدر ءَ را توسیپ ءُ ستا پیش کت۔ ءُ گوشت کہ آئی ءَ ملک ءِ دفاع ءِ واستہ وتی سر ءِ ندر کنگ ءَ یک ابدمانیں راجدپتر ءِ جوڑ کتگ، راج وتی شہید آنی قربانی آناں کدی شموشت نہ کنت۔ شمبے ءِ روچ ءَ میجر طفیل محمد شہید ءِ 68می بیرانی ءِ سالروچ ،نشان حیدر ءِ درگت ءَ وتی کلوہ ءِ تہ ءَ مزن وزیر ءَ گوشت کہ میجر طفیل محمد شہید ءَ وتی جان ءِ ندر کنگ ءَ ملک ءِ دفاع ءِ راجدپتر ءَ یک بے مٹیں بابے جوڑ کتگ۔ میجر طفیل محمد شہید ءِ قربانی ءُ بہادری سرجمیں راج ءِ واستہ پھر ءِ آدینک ءُ آیوکیں پدریچ ءِ واستہ درپشناکیں مثال انت۔ مزن وزیر ءَ گوشت کہ مئے اے مزن مزنیں زھگ آجوئی، وت واجہی ءُ راجی ایمنی ءِ مھکمیں گر ءُ دار اَنت۔ مزن وزیر ءَ گوشت کہ میجر طفیل شہید پاکستان ءِ سلاہ بندیں اُرد ءِ افسر ءُ سپاھیگ آنی دلیری ءُ بہادری ءِ علامت، آھانی جزم، آوانی جنگی ھنر ءُ وطن ءِ واستہ آوانی بے دروریں چیدگ ءُ علامت اِنت۔ راج وتی شہیدانی قربانی ءَ ہچبر شموشکار نہ بیت۔
