2026 ءِ چکاساں جوانیں آسراتی زرتگیں نودربر راج ءِ ارزشت داریں اثاثہ اَنت،  بیرسٹر دانیال چوہدری

راولپنڈی۔6اگست  (اے پی پی): وفاقی پارلیمانی سیکرٹری  برائے شنگ کاری ءُ اھوالکاری بیرسٹر دانیال  چوہدری ءَ گوشت کہ میٹرک سالانہ چکاس 2026 ءَ جوانیں آسراتی زرتگیں نودربر راج ءِ ارزشتی ایں اثاثہ ءُ پاکستان ءِ وشیں آیوکیں وھد ءِ ضمانت انت۔ آئی ءَ اے ھیالانی درشانی راولپنڈی بورڈ آف انٹرمیڈیٹ اینڈ سیکنڈری ایجوکیشن ءِ چیر دستی ءَ فاطمہ جناح زالبول یونیورسٹی ءَ میٹرک سالانہ چکاس 2026 ءِ پوزیشن ہولڈر نودربر آنی شرپ ءَ برجم داشتگیں انعام بھر ءُ بانگ ءِ مراگش ءَ گوں تران کنان ءَ کت۔ اے موہ ءِ سر ءَ راجی اسمبلی ءِ باسک ملک ابرا احمد، صوبائی اسمبلی ءِ باسک اسماء عباسی، چیئرمین ایجوکیشن بورڈ راولپنڈی پروفیسر ڈاکٹر اقبال محمود، کنٹرولر امتحانات تنویر اصغر اعوان، استاد، والدین، نودربر ءُ زند ءِ جتا جتائیں تک ءُ پھنات ءِ مردم ھوار اتنت۔  بیرسٹر دانیال  چوہدری ءَ پوزیشن ہولڈر نودربر، آہانی مات ءُ پت ءُ استاد آناں مبارکی دیان ءَ گوشت کہ مرچی محنت، لگن، استقامت ءُ جزم ءِ میوہ آناں خلاصہ کنگ ءِ روچ اِنت۔ ورنائیں باھند پاکستان ءِ وشیں آیوکیں باندات انت، پمیشکا آ وتی ھنر ءَ ملک ءُ راج ءِ دیمروئی، وشھالی ءُ برجائی ءِ واستہ کارمرز بہ کن انت۔ وفاقی پارلیمانی سیکرٹری ءَ نودربر آناں زور پر دات کہ آ سوبمندی ءَ را وتی منزل ءِ رنگ ءَ نہ بلکیں گیشیں محنت، برجاھیں کوشست ءُ بُرزیں مول ءُ مراد آنی سر ءَ سر بوھگ ءِ بنداتی نقطہ ءِ رنگ ءَ بہ چار اَنت۔ آئی ءَ گوشت کہ وانگ ءُ زانگ ھما طاقت اِنت کہ راج آنی مقدر ءَ بدل کنت، پمیشکا نودربر آناں علم ءِ گرگ ءِ گوما مزن اخلاق، ایمانداری، نظم ءُ ضبط ءُ راجی شرپ ءُ ازت   آناں وتی زند ءِ بھر جوڑ کنگی اِنت۔ برات دانا ایل چوہدری ءَ مات ءُ پت ھاسیں رنگ ءَ مات آناں شگر ءُ منت گپت کنان ءَ گوشت کہ زھگ آنی وانگ ءُ زانگ، رھشونی ءُ کردار سازی ءِ تہ ءَ مات ءِ کرد گیشتر گندگ بیت۔ ماتانی دعا، رہشونی، مہر  ءُ مدام دلبڈی ءِ سبب ءَ زھگاں سوبمندی ءِ ہدف ءِ نیمگ ءَ سر کنگ ءَ مزنیں کردے پیلو کنت۔