کیریئر ءِ ھاتر ءَ وانگ ءُ زانگ ، زانش ءِ ھیل کاری  المی اِنت ، ڈیجیٹل بلوچستان اے آئی لانچ پیڈ بوٹ کیمپ ءَ بھر زوروکیں نودربراں گوں راجی اسمبلی ءِ اسپیکر گپ ءُ تران

اسلام آباد۔6اگست  (اے پی پی): پارلیمنٹ گس ءَ ڈیجیٹل بلوچستان اے آئی لانچ پیڈ بوٹ کیمپ ءَ بھر زوروکیں نودربراں گوں راجی اسمبلی ءِ اسپیکر سردار ایاز صادق ءَ گند ءُ نند کت۔ اے موہ ءِ سر ءَ اسپیکراں نودربراں گوں تران کنان ءَ گوشت کہ راجی اسمبلی ءَ بلوچستان ءِ نودربر آناں اولویت ءِ بنیاد ءَ گیشاں چہ گیش انٹرنشپ ءِ موہ دیگ بنت، راجی اسمبلی ءِ تہ ءَ 21 یونیورسٹی آنی نودربر آنی واستہ انٹرنشپ ءُ تربیتی پروگرام جاری انت، بلوچستان پاکستان ءِ یک سکیں ھاسیں صوبہ یے،  انٹرنشپ ءِ لحاظ ءَ اولی نمبر ءَ انت۔ آئی ءَ گوشت کہ وانگ ءُ زانگ ءِ عمل سوبمندی ءِ واستہ المی اِنت، پاکستان ءِ آئین ءُ رھبند آنی وانگ ءُ زانگ ءَ چہ پارلیمانی کار آنی تہ ءَ جوانیں سرپدی رس ایت، راجی اسمبلی ءَ نوکری آنی واستہ سرجمیں صوبگ آنی واستہ کوٹہ ایر کنگ بوتگ، ھاسیں رنگ ءَ لائکیں مردم ءُ زالبول آناں راجی اسمبلی ءِ تہ ءَ گیشتر عملی موہ داتگ اَنت۔ نوکریانی تہا زالبولانی نمائندگی ءَ را 30 درسد ءَ سر کنگ ءِ ھاتر ءَ ۔ آئی ءَ گوشت کہ ورنا آناں یک وڑیں موہ پجاری راجی دیمروئی ءِ واستہ المی اِنت، راجی اسمبلی ءَ ملک ءِ اولی اے آئی ءِ وسیلگ ءَ پارلیمانی نظام ءِ دیم ءَ آرگ بیت، راجی اسمبلی ءِ پارلیمانی کار آناں وت جوڑیشتی ھیل کاری ءُ نوکیں ڈیٹا ٹیکنالوجی ءِ دستاویز کنگ ءِ گوما ھمگرنچ کنگ بوھگ ءَ اِنت، ڈیجیٹلائزیشن ءِ وسیلگ ءَ ، ءُ راجی اسمبلی ڈیٹا ٹیبلٹ ءِ کارمرد کنگ ءَ گوں کاگد ءِ چہ پارلیمانی نظام ءِ نیمگ ءَ روگ ءَ اِنت۔ اسپیکر ءَ گوشت کہ اے آئی پارلیمانی پٹ ءُ پول، کانود سازی ءُ انتظامی کار آنی کارکردگی ءَ را گہتر کنگ ءَ کمکی ثابت بوھگ ءَ اِنت۔ وت جوڑیشتی ھیل کاری انسانی ذہانت ءِ بدل نہ انت بلکیں یک حمایتی ٹیکنالوجی یے ۔ قومی اسمبلی ادارگی کارکردگی ءَ را گہتر کنگ ءُ وتی باسک آناں جوانیں ازمت پجاری ءِ واستہ نوکیں ٹیکنالوجی ءَ را کارمرد کنگ ءَ اِنت۔ نودربراں راجی اسمبلی ءَ وت جوڑیشتی ھیل کاری ءُ ڈیجیٹلائزیشن ءِ گامگیج آناں ساڑات۔ اسپیکر ءَ گشتگ کہ بلوچستان ءِ نودربرانی جیڑہانی گیش ءُ گیوار ءِ ھاتر ءَ ہمگرنچیں واکاں گوں گپ ءُ تران کنگ بیت۔ بلوچستان اے آئی ءِ لانچ پدی بوٹ کیمپ ورنا آناں نوکیں ٹیکنالوجی ءَ گوں ھمگرنچ کنگ ءِ یک ھاسیں گامگیج اِنت۔ حکومت بلوچستان، ٹکوا پاکستان، وزارت بین صوبائی ہم آہنگی، وزارت وفاقی تعلیم ءُ یو ایس ای ایف پی ءِ کوشست ستا کرز انت۔