مزن وزیر 6 اگست ءَ بگر داں 8 اگست ءَ سعودی عرب ءِ سرکاری تر ءُ تاب ءَ کنت، درئی کارانی کارگس

اسلام آباد۔6اگست (اے پی پی): مزن وزیر محمد شہباز شریف 6اگست ءَ چہ 8اگست ءَ سعودی عرب ءِ سرکاری تر ءُ تاب ءَ کنت۔پنج شمبے ءِروچ ءَ دری کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ اے موہ ءِ سر ءَ مزن وزیر ءِ ھمراھی ءَ مزن تک ءِ ڈل ھم ھوار بیت کہ ایشی ءِ تہ ءَ نائب مزن وزیر ءُ درئی کارانی وزر سنیٹر محمد اسحاق ڈار، چیف آف آرمی سٹاف ءُ چیف آف ڈیفنس فورسز سید عاصم منیر ءُ بنجاھی وزیر ھوار بنت۔ نائب مزن وزیر ءُ وزیر درئی کار سینیٹر محمد اسحا ق ڈار ءُ اردن ءَ مقبوضہ بیت المقدس ءِ ھوالگ ءَ وزارت دیوان ءَ بھر زوری ءَ چہ پد مدینہ المنورہ ءَ کمو جھل ات، ءُ پدا ڈل ءَ ھوار بیت۔ تر ءُ تاب ءِ ساھت ءَ مزن وزیر ءِ سعودی عرب ءِ ولی عہد مزن وزیر شہزاد محمد بن سلمان بن عبدالعزیز آل سعود ءَ گوں گند ءُ نند کنت ایشی ءَ چہ پد پاکستان ءُ سعودی عرب ءِ دو نیمگی یکوئی آناں گیش برجم کنگ ءِ گوما وت مہ وتی دمگی ءُ میاں اوستمانی کار آنی بابت ءَ ھیال ریچی کنگ بیت۔ بیان ءِ رد ءَ اے تر ءُ تاب سعودی عرب ءِ گوما پاکستان ءِ دیریں شریکداری ءِ درشان اِنت کہ ایشی ءِ بنیات ءَ دہائیاں چہ یکے دومی ءِ سر ءَ بھروسہ، کمک ءُ براتی سیادی ءِ سر ءَ اِنت۔ من اے گپ ءَ گشگ لوٹاں کہ اے تر ءُ تاب اگاں چہ خلیج ءِ دمگ ءَ گیش بوھوکیں کش ءُ چیل ءِ پشدر ءَ بوھگ ءَ اِنت بلے ایشی ءِ ارزشت چہ زوتیں بحران ءُ کوتاہ مدتی جاوراں چہ گیش اِنت۔ اے تر ءُ تاب ءَ دوئیں ملک آنی نیام ءَ دو نیمگی سیادی آناں گیش مھکم کنگ، اسٹریٹجک کمک ءِ دیمروئی، یکے دومی ءِ مفاد ءِ دمگی ءُ میاں اوستمانی جیڈھ آنی سر ءَ رابطہ آناں گیش کنگ ءُ کثیر نیمگی کمک آناں گیش مھکم کنگ ءِ تہ ءَ ھاسیں کرد پیلو کنت۔