آبنائے  ہرمز ءِ جیڈھ ءِ سر ءَ پیشرفت ءَ چہ دمگی کش ءُ چیل ءِ ھلاسی ءِ واستہ جوانیں چاگردے جوڑ بیت، دری کارانی کارگس ءِ جارکش طاہر حسن اندرابی ءِ پریس بریفنگ

اسلام آباد۔6اگست  (اے پی پی): پاکستان ءَ گوشت کہ آبنائے ہرمز ءَ برجاھیں دیم پہ دیم ءِ ھلاسی خلیج ءُ میاں اوستمانی تک ءَ ھاسیں رنگ ءَ ایران ءُ امریکہ ءِ نیام ءَ گیشیں جیڈھ ءِ گیواری ءِ واستہ سک باز المی اِنت۔ پاکستان دمگی جیڈھ ءِ سرجمیں، منصفانہ ءُ برجمیں گیواری ءِ واستہ وتی نیمگ ءَ کتگیں درستیں مخلصیں سفارتی کوشست آنی کمک ءَ را برجاہ دار ایت۔ اے کوشست آنی درشانی درئی کارانی کارگس ءِ جارکش طاہر حسن آندرابی ءَ پنچ شمبے ءِ روچ ءَ پریس بریفنگ ءِ ساھت ءَ کت۔ آئی ءَ گوشت کہ پاکستان کش ءُ چیل ءِ تہ ءَ کمی ءُ گپ ءُ تران ءِ واستہ براتیں ملک آنی گوما سرگرم سفارتی رابطہ ءَ برجاہ دارگ ءَ انت۔ آئی ءَ گوشت کہ آبنائے ہرمز ءِ جیڈھ ءِ تہ ءَ پیشرفت ءَ چہ دمگی جیڈھ آناں ھلاسی ءِ واستہ جوانیں چاگرد جوڑ بیت، ایشی ءَ چہ ایران ءُ امریکہ ءِ نیام ءَ گپ ءُ تران ءِ پدا بندات ءِ واستہ ھم راہ پچ بیت۔ آئی ءَ گوشت کہ پاکستان سفارتی سیادی آنی سر ءَ سرگرمیں رنگ ءَ دیم ءَ روان کنت ءُ بحران ءِ گیواری ءِ واستہ درستیں مخلصیں گامگیج آناں کمک کنت، چیا کہ سفارتی خطہ ءَ برجمیں امن ءُ ایمنی ءِ واستہ یکیں زندگ داروکیں راہ اِنت۔ ترجمان ءَ گوشت کہ عمان ءَ خلیج ءِ دمگ ءَ امن ءُ ایمنی ءِ دیمروئی ءِ تہ ءَ جوڑیشت ءِ کرد پیلو کتگ ءُ پاکستان عمان ءِ ارزشتی ایں ازمت ءُ کش ءُ چیل آنی تہ ءَ کمی ءُ امن ءُ ایمنی ءِ دیمروئی ءِ واستہ آئی ءِ مدامیں کوشست آناں من ایت ءُ ستا کنت۔ یک جست ءِ پسو ءَ ترجمان ءَ گوشت کہ آبنائے ہرمز ءَ برجاھیں دیم پہ دیم بوھگ ءَ چہ خلیج ءِ جیڈھ ءِ دائمی گیواری ءِ کوشست گیش مشکل بوتگ اَنت۔ آئی ءَ گوشت کہ آبنائے ہرمز ءِ جیڈھ ءِ سر ءَ ھرچ وڑیں بامردیں پیشرفت ءِ سبب ءَ اسلام آباد ءِ مفاہمت نامہ ءُ آبنائے ہرمز ءِ واستہ پاکستان ءُ قطر ءِ یکجائی بیان ءِ تہ ءَ پیش کتگیں گپ ءُ تران ءِ فریم ورک ءِ سر ءَ پدا واتر بوھگ ءِ واستہ جوانیں چاگرد جوڑ بیت۔ آئی ءَ گوشت کہ ما امیت وار ایں کہ آبنائے ہرمز ءِ سر ءَ یک تپاکی ءِ سبب ءَ برجمیں گپ ءُ تران ءِ راہ پچ بیت ھاسیں رنگ ءَ ایران ءُ امریکہ ءِ نیام ءَ تکنیکی گپ ءُ تران ءِ پدا بندات کنگ بیت۔ ترجمان ءَ گوشت کہ گوستگیں ھپتگ ءِ تہ ءَ پاکستان ءِ سفارتی کار آنی تہ ءَ دمگی برجائی ءُ گپ ءُ تران ءِ واستہ آئی ءِ جزم ءِ درشان اِنت۔ آئی ءَ گوشت کہ نائب مزن وزیر ایس محمد اسحاق ڈار ءَ گوں سعودی ءِ درئی کارانی وزیر شہزادہ فیصل بن فرحان ءَ 30جولائی ءَ ٹیلی فون ءِ سر ءَ گپ ءُ تران کتگ، ایشی ءِ تہ ءَ دوئیں سروک آنی نیام ءَ بحیرہ احمر، باب المندب ءُ فلسطین ءِ سرزمین آنی تہ ءَ دمگی جاور آنی ھوالگ ءَ حیال ءُ لیکہ درشان کنگ بوتگ۔ آئی ءَ گوشت کہ 3اگست ءَ نائب مزن وزیر ءَ گوں ایران ءِ درئی کارانی وزیر صدام عباس عراقچی ءَ فون ءِ سر ءَ ھم گپ ءُ تران کتگ۔ دوئیں رہشوناں مقبوضہ مشرقی بیت المقدس ءِ ھرابیں جاور ھال آنی ھوار دمگی ءُ میاں اوستمانی دیمروئی آنی ھوالگ ءَ ھیال ءُ لیکہ ءِ درشان کت ءُ پاکستان ءَ ایران ءِ دری کارانی وزیر ءَ را اسلام آباد ءِ سرکاری تر ءُ تاب ءِ دعوت ھم دات۔ طاہر حسنت اندرابی ءَ گوشت کہ مزن وزیر محمد شہباز شریف 6اگست ءَ بگر داں 8 اگست ءَ سعودی عرب ءِ سرکاری تر ءُ تاب ءَ کنت، ایشی ءِ تہ ءَ آئی ءِ ھمراھی ءَ مزنیں تک ءِ ڈل ءِ ھمراھی ءَ نائب مزن وزیر ءُ دری کارانی وزیر سینیٹر محمد اسحاق ڈار، چیف آف آرمی چیف آف ڈیفنس ءُ دگہ دفاعی اسٹاف ءُ فار فوجی ءِ ھواریں ڈل ءِ ھمراھی ءَ ھوار بیت۔ آئی ءَ گوشت کہ تر ءُ تاب ءِ ساھت ءَ مزن وزیر سعودی ولی عہد ءُ مزن وزیر شہزادہ محمد بن سلمان بن عبدالعزیز السعود ءَ گوں گند ءُ نند کنت، ایشی ءِ تہ ءَ دو نیمگی سیادی ءَ را گیش مھکم کنگ ءِ راہ ءُ در آنی سر ءَ ھیال ءُ لیکہ درشان کن اَنت ءُ دمگی ءُ جھان ءِ دیمروئی آنی بابت ءَ ھیال ءُ لیکہ آنی درشان کن اَنت۔ ترجمان ءَ گوشت کہ اے تر ءُ تاب اگاں چہ خلیج ءِ دمگ ءَ گیش بوھوکیں کش ءُ چیل آنی پس منظر ءَ بوھگ ءَ اِنت بلے ایشی ءِ ارزشت چہ زوتیں بحران ءَ گیش اِنت۔ اے تر ءُ تاب ءَ چہ دو نیمگی سیادی ءَ را گیش مھکم کنگ بیت، اسٹریٹجک کمک ءَ را گیش کنگ، دمگی ءُ میاں اوستمانی جیڈھ آنی سر ءَ ھمگرنچی ءَ را گیش کنگ ءُ کثیر نیمگی کمک ءَ را گیش کنگ بیت۔ آئی ءَ 5 اگست ءَ عمان ءَ برجم داشتگیں مقبوضہ بیت المقدس ءِ ھوالگ ءَ وزارتی دیوان ءَ نائب مزن وزیر ءِ بھر زوری ءِ ھم ھال دات کہ ایشی ءِ تہ ءَ پاکستان ءَ فلسطین ءِ راج ءِ ھاتر ءَ وتی بے مٹیں کمک ءِ پدرائی کت ءُ فلسطین ءِ یک آجوئیں، وت واجہ ءُ ھمگرنچیں دارالحکومت ءِ جوڑ کنگ ءِ ھاتر ءَ وتی حمایت ءِ پدا پدر کت۔ آئی ءَ گوشت کہ کانفرنس ءِ ساھت ءَ مصر، پاکستان، سعودی عرب ءُ ترکی ءِ دری کارانی وزیر آناں ھم گند ءُ نند کتگ ءُ فلسطینی اُلس ءِ ناگزیریں ھک آنی واستہ وتی بے مٹیں کمک ءِ پدر کنگ ءُ دمگی امن، ایمنی، برجائی ءُ ڈیکا ءِ دیمروئی ءِ واستہ برجاھیں شور ءُ سفارتکاری ءِ ارزشت ءِ سر ءَ زور پر داتگ۔ باب المندب ءَ چہ گوزوکیں تجارتی جہاز آنی سر ءَ اُرش آنی ھوالگ ءَ یک جست ءِ پسو ءَ جارکش ءَ گوشت کہ پاکستان ءَ اے اُرش آناں مُدام مذمت کتگ۔ افغانستان ءِ ھوالگ ءَ یک جستے ءِ سر ءَ جارکش ءَ گوشت کہ پاکستان ءَ باز رند ءَ وتی سنگینیں جیڈھ افغان واکدار آناں سر کتگ کہ ناشرکاریں گل افغان زمین ءَ پاکستان ءِ تہ ءَ اُرش کنگ ءَ اَنت ۔ آئی ءَ گوشت کہ پاکستان ءَ مُدام اوگان حکومت ءَ را اے گپ ءِ سر ءَ زور پر دیگ بوتگ کہ آ اے گپ ءَ دل یکیمی بہ کنت کہ آئی ءِ مٹی دگہ ھچ ملک ءِ ھلاپ ءَ ناشرکاری ءِ واستہ کارمرد کنگ مہ بیت۔ جموں ءُ کشمیر ءِ ھوالگ ءَ یک جُستے ءِ سر ءَ ترجمان ءَ آزاد جموں ءُ کشمیر ءِ جاری گچین کاری ءِ ھوالگ ءَ بھارت ءِ بیان آناں بے بن ءُ پارٹی لیک اِتگ۔ آئی ءَ گوشت کہ آزات جموں ءُ کشمیر ءِ آئین ءُ کانودی فریم ورک ءِ رد ءَ امن ءُ ایمنی ءُ شُھازگ ءُ منظم رنگ ءَ گچین کاری بوھگ ءَ انت۔ آئی ءَ پاکستان ءِ موقف ءِ پدا زور دات کہ جموں ءُ کشمیر یک میاں اوستمانی تک ءَ منگ بوتگیں جھیڑوی دمگ اِنت، ایشی ءِ گڈی آسر اقوام متحدہ ءِ سلامتی کونسل ءِ سیادی داروکیں قرارداد ءُ کشمیری الس ءِ واھشت آنی رد ءَ بہ بیت۔ آئی ءَ گوشت کہ پاکستان بنگلہ دیش ءِ وت مستریں پیسلہ آنی شرپ ءَ کنت ءُ وت مہ وتی دیمروئی وشھالی ءِ واستہ آوانی گوما کمک ءَ را جاڑی دار ائیت۔