مزن وزیر ءَ ڈپٹی اسپیکر پنجاب اسمبلی ءُ آئی ءِ برات ءِ گس ءِ تر ءُ تاب کتگ، ملک محمد اقبال چنڑ  ءِ بیرانی ءِ سر ءَ دلپدردی درشان

بہاولپور۔3اگست  (اے پی پی): مزن وزیر محمد شہباز شریف ءَ بہاول پور ءَ ڈپٹی اسپیکر پنجاب اسمبلی ملک ظہیر اقبال چنڑ  ءُ آئی ءِ برات ملک منیر اقبال چنڑ  ءِ گس ءِ تر ءُ تاب کتگ ءُ باسک راجی اسمبلی ءُ پیسریگیں صوبائی وزیر محمد چنڑ  ملک اقبال ءِ بیرانی ءِ سر ءَ دلپدردی درشان کتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ اے موہ ءِ سر ءَ بہاول پور ءَ چہ راجی ءُ پنجاب اسمبلی ءِ باسک ءُ اے دگہ مزنیں کارندہ ھم ساڑی بوتگ اَنت۔ مزن وزیر ءِ گوما وفاقی وزیر منصوبہ بندی ءُ دیمروئی احسن اقبال، وزیر کانود اعظم نذیر  تارڑ، وزیر بجلی سردار اویس لغاری ءُ اھوالکاری ءُ نشریات ءِ وزیر عطا اللہ تارڑ  ھم ساڑی ات۔ مزن وزیر ءَ بیران بوتگیں مردم ءِ پارٹی ءِ گوں وفاداری ءَ را ساڑات ءُ گوشت کہ آئی ءَ مسلم لیگ (ن) ءِ تہ ءَ جونیئر رہشون ءِ بستار ءَ نامداریں کرد پیلو کتگ۔ آئی ءَ گوشت کہ بیران بوتگیں مردم ءَ راجی اسمبلی ءِ باسک ءِ بستار ءَ الس ءِ گہبود ءِ واستہ ارزشتی ایں ازمت کتگ۔ مزن وزیر ءَ دعا کت کہ اللہ تعالیٰ بیران بوتگیں مردم ءَ را ابدی آرام بہ دنت ءُ آئی ءِ ھاندان ءَ را صبر ءُ برداشت بہ دنت۔