دومی بھر ءِ گچین کاری ءَ سوبمندی آزات کشمیر ءِ الس ءِ مسلم لیگ ءِ سرا اعتماد ءِ ثبوت انت، مزن وزیر شہباز شریف

اسلام آباد۔3اگست  (اے پی پی): مزن وزیر محمد شہباز شریف ءَ آزات کشمیر ءِ قانون ساز اسمبلی ءِ دومی بھر ءِ گچین کاری ءِ سوبمندی ءِ پد ءَ مبارکی دیان ءَ گوشت کہ مسلم لیگ ءِ سوبمندی مسلم لیگ ءِ سر ءَ آزات کشمیر ءِ الس ءِ دل یکمہ ءِ ثبوت انت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ آزاد کشمیر ءَ گچین کاری ءِ دومی بھر ءَ مسلم لیگ ءِ سروک محمد نواز شریف ءُ اُمیت وار آناں مبارک بات داتگ ءُ گوشت کہ من مسلم لیگ ءِ توامیں اُمیت وار آناں دل ءِ تہ ءَ چہ مبارک بات دیگ ءَ آں ۔ آئی ءَ گوشت کہ سوبمندی ءِ اے رچ  مسلم  لیگ  ن ءِ سروک  میاں نواز شریف ءُ  آئی ءِ سرجمیں ٹیمب ءِ برورد اِنت۔   مسلم لیگ ن سروک ءُ   ٹیم ءَ آزات کشمیر ءَ سکیں سوبمندیں گچینکاری گامگیج ءِ دیم ءَ برتگ۔ آئی ءَ گوشت کہ آزات کشمیر ءِ دیمروئی ءُ وشھالی ءُ اودا الس ءِ وشھالی مسلم لیگ (ن) ءِ اولی ترجی آنی تہ ءَ ھوار انت۔ مزن وزیر ءَ گوشت کہ آزات کشمیر ءِ گچین کاری ءِ دومی بھر ءَ سیاسی گل آنی نیمگ ءَ جزبگ ءَ گوں بھر زوری کت ایشی ءَ چہ جمہوری عمل ءَ را گیش مھکم بیت۔