پاکستان ءِ نظام بے سوب نہ بوتگ، آ راجی گہتری کار ءِ دور ءَ داخل بوتگ، اڑان  پاکستان ءِ راجی سفر ہچ یک پارٹی یا حکومت ءِ اجتماعی کوشست نہ انت، بلکیں سرجمیں راج ءِ اجتماعی کوشست انت، وفاقی وزیر احسن اقبال

اسلام آباد۔3اگست  (اے پی پی): منصوبگ بندی، دیمروئی ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ مرچی پاکستان نوکیں شپ ءِ آسگ ءَ اوشتاتگ، یک انچیں شپے کہ اُمیت، جزم، راجی یکوئی ءُ دیمروئی ءِ رژنائیں آسراتی آنی وعدہ ءَ گوں شپ بوھگ ءَ اِنت۔ آجوئی ءِ روچ ءِ 79می سالروچ ءُ پاکستان ءِ بانی قائداعظم محمد علی جناح ءِ 150می سالروچ ءِ موہ ءَ راجی سوت ءِ بنگیج ءِ مراگش ءَ گوں تران کنان ءَ آئی ءَ گوشت کہ مرچی ءِ مراگش ایوک ءَ یک نوکیں راجی سوت ءِ پچ کنگ نہ اِنت بلکیں اجتماعی روح، فکری رہشونی ءُ قوم ءِ دیمروئی ءِ جزم ءِ سرا زور دنت۔ وفاقی وزیر ءَ گوشت کہ پاکستان ءِ فکری بنیات مشرق ءِ شاعر حکیمی الامت علامہ محمد اقبال ءُ پاکستان ءِ بن ھشت ایر کنوک قائد اعظم محمد علی انت۔ جناح ءِ فکرانی بنیاد ءَ علامہ اقبال ءَ راج ءَ را وت واجہی، وت مہ وتی، زانت، کردار ءُ عمل ءِ درس داتگ ءُ قائداعظم ءَ ہمے فکر ءِ عملی نفاذ داتگ ءُ یک آجوئیں، وت واجہیں، نوکیں ءُ دیمروئی پسندیں ریاست ءِ بُن ہشت ایر کتگ۔ آئی ءَ گوشت کہ سال 2026 قائداعظم ءِ 150می سالروچ ءِ سال اِنت، ایشی ءَ چہ مارا وتی بانی ءِ واب آناں پیلو کنگ ءِ عزم ءِ نوک کنگ ءِ موہ رس ایت۔ احسن اقبال ءَ گوشت کہ پاکستان ءَ سکیں مشکل آنی پد ءَ ھم اے گمان کہ راجی نظام ناکام بوتگ یا چش بوتگ اے گپ راست نہ انت۔ آئی ءَ گوشت کہ اے دور نظام چیر دیگ ءِ دور نہ انت بلکینگ ءَ راجی گہتری کار ءِ دور انت۔ ہمے رفتار ءَ کہ دنیا بدل بوہگ ءَ انت پاکستان ہم وتی ادارہ، گورننس سسٹم ءُ راجی پجار ءَ گوں نوکیں لوٹاں ہمگرنچ کنگ ءِ جہد ءَ انت۔ آئی ءَ گوشت کہ 250ملین مردم آنی جیڈھ آناں ایوک ءَ گچین بوتگیں نمائندگ آنی وسیلگ ءَ گیش ءُ گیوار کنگ نہ بیت، بلے راجی دیمروئی ءِ واستہ ورنا، زانتکار، پرائیویٹ سیکٹر ءُ توامیں ریاستی ادارگ آنی یکجائی کوشست المی انت۔ آئی ءَ اے گپ ءِ سر ءَ زور پر دات کہ گہتری کار ءِ عمل ءِ تہ ءَ تسلسل، راجی تپاکی ءُ اجتماعی ذمہ واری ءِ مستریں ارزشت اِنت۔ وفاقی وزیر ءَ گوشت کہ مئے ورنا باھوٹیں امیت ءِ چراگ انت، مئے ورنا کاکروچ نہ انت بلکیں اقبال ءِ شاہان انت۔ وفاقی وزیر ءَ گوشت کہ لھتیں کوارٹر آنی نیمگ ءَ پیش گوئی کنگ بوتگ کہ پاکستان 2022 ءَ دیوالیہ بیت ءُ نظام ھلاس بیت بلے راج ءِ یکجائی جزم، حکومتی گامگیج ءُ السی کمک ءَ گوں پاکستان ءَ نہ ایوک ءَ اے مشکل آنی سر ءَ چہ دیم ءَ شت بلکیں پدا دیمروئی ءِ راہ گچین کت۔ آئی ءَ گوشت کہ مرچی درملک ءَ نندوکیں پاکستانی ھم ملک ءِ اقتصادی زندگ بوھگ ءُ جوانیں دیمروئی ءَ را منگ ءَ اَنت کہ سرجمیں راج ءِ یکجائی کوشست آنی آسر اِنت۔ آئی ءَ گوشت کہ اڑان  پاکستان راجی اقتصادی بدلی ءِ واستہ یک جامعیں فریم ورک اِنت ایشی ءِ مول ءُ مراد پاکستان ءَ را بیست ءُ یکمی کرن ءِ معیشت ءِ گوما یکجا کنگ، کھرب ڈالر ءِ معیشت ءِ جوڑ کنگ، برآمدات ءَ را مزنیں کساسے ءَ گیش کنگ، نوکیں ٹیکنالوجی ءِ دیمروئی، توانائی ءِ شوبگ ءَ وت واجہی ءِ ھاترا رسگ، ایکونومی، جان سلامتی ءِ کوالٹی ءِ جوڑ کنگ، ڈیجیٹل جان سلامتی ءِ کوالٹی ءِ جوڑ کنگ اِنت۔ موثر انتظامی آبادی و ہدف برجم توسعہ ءِ رسگ ءِ ھاتر ءَ ۔ آئی ءَ گوشت کہ حکومت ورنا آناں نوکیں ٹیکنالوجی، آرٹیفیشل انٹیلی جنس، ڈیٹا، ہنر ءُ وانگ ءُ زانگ ءَ را آیوکیں وھد ءِ لوٹ آنی رد ءَ پجارینگ ءِ واستہ جتاجتائیں پروگرام ءُ وانگ ءُ زانگی منصوبگ آنی تہ ءَ مزنیں سرمایہ کاری کنگ ءَ اِنت، چیا کہ ورنا ایوک ءَ پاکستان ءِ آیوکیں وھد نہ اَنت بلکینگ ءَ آئی ءِ استیں وھد ھم اَنت۔ پروفیسر احسن اقبال ءَ گوشت کہ اے راجی زیمر تہنا ساچشت یا سرکشی ءِ ذریعہ نہ انت بلکیں یک بے تاھیریں راجے ءِ جزبگ، جنبش ءُ دل ءِ دریکگ انت۔ اے علامہ اقبال ءِ وت واجہی، دلیری، وت واجہی ءُ راجی دیمروئی ءِ شعار ءَ گوں مرچیگیں ورناہانی جذبہ ءُ توانائی ءَ ہمگرنچ کنگ ءِ یک موثریں وسیلہ یے، ہمے وھد ءَ اے یک موثریں وسیلہ یے کہ قائداعظم ءِ یک مھکمیں ءُ دیمروئی کتگیں نوکیں پاکستان ءِ نسل ءِ وژن ءَ را موثریں رنگ ءَ سر کنگ ءِ وسیلہ انت۔ آئی ءَ گوشت کہ علامہ اقبال ءَ نہ ایوک ءَ واب گندگ ءِ سکین داتگ بلکینگ ءَ مارا اے سکین داتگ کہ واب زانت، کردار، محنت ءُ مُدامی جہد ءِ وسیلگ ءَ حقیقت ءَ بدل بنت۔ آئی ءَ ورنا آنی سر ءَ زور پر دات کہ آ وتی توانائی آنی سر ءَ انحصار بہ کن اَنت، وتی کمیں سوچ ءَ چہ بُرز بُرز بہ بنت، وت مہ وتی ءَ را مھکم بہ کن اَنت ءُ راجی دیمروئی ءِ تہ ءَ سرگرمیں کرد پیلو بہ کن اَنت۔ وفاقی وزیر ءَ گوشت کہ پاکستان ءِ حقیقی طاقت آئی ءِ گوست ءِ مشکل آنی تہ ءَ نہ انت بلکینگ ءَ آئی ءِ ورنا آنی جزم، توان، زانت ءُ مزن روحیل ءِ تہ ءَ انت۔ دیمروئی، وشھالی ءُ راجی ایمنی ءِ سفر ھما وھد ءَ ممکن بیت کہ سرجمیں راج اجتماعی شعور، راجی یکوئی ءِ ایجنڈا ءَ را وتی مشترکہ مشن جوڑ بہ کنت ءُ گہتری کار بہ کنت۔ آئی ءَ وتی جزم ءِ درشان کت کہ اڑان  پاکستان ءِ راجی سفر کجام ھم یک پارٹی یا حکومت ءِ کار نہ انت بلکینگ ءَ سرجمیں راج ءِ یکجائی کوشست انت کہ پاکستان ءَ را یک مھکمیں، وت مستر، وشھال ءُ شرپداریں ریاست جوڑ کنگ ءِ نیمگ ءَ رھادگ کنت۔