مزن وزیر ءِ میری ٹائم ٹاسک فورس ءَ پاکستانی بندرگاہ آنی تہ ءَ مزنیں آپریشنل سوبمند بوتگ اَنت

اسلام آباد۔12جولائی  (اے پی پی): مزن وزیر ءِ میری ٹائم ٹاسک فورس ءَ پاکستانی بندرگاہ آنی تہ ءَ مزنیں آپریشنل کامیابی بوتگ اَنت۔ ٹاسک فورس ءِ منت ءَ بندرگاہ آنی تہ ءَ جاہ ءِ بندوبست، کارگو کلیئرنس ءُ انفراسٹرکچر ءِ دیریں جیڈھ گیش ءُ گیوار کنگ بوتگ اَنت۔ تفصیلات ءِ رد ءَ نیشنل لاجسٹکس کارپوریشن ءَ ھوار درستیں اسٹیک ہولڈر آنی بھر زوری ءَ گوں مزنیں اصلاحات آنی سر ءَ عمل درآمد سرجم کنگ بوتگ۔ کنٹینر آنی اسٹیکنگ نوں منظم رنگ ءَ کنگ بوھگ ءَ اِنت، کسٹم ءِ معائنہ ءَ را آسان کنگ بوتگ ءُ ماسٹر پلان ءِ رد ءَ بندرگاہ آناں نوکیں رنگ ءَ جوڑ کنگ بوتگ، دستیابیں جاگہ ​​ءَ را جوانیں رنگ ءَ کارمرد کنگ ءَ چہ دیر ءَ چہ اوشتاتگیں کنٹینر آناں چہ ھلاس کنگ بوھگ ءَ اِنت۔ آیوکیں وھد ءَ اے جیڈھانی گر ءُ دار ءِ واستہ کنٹینر آنی آھگ ءَ پیسر ایڈوانس جی ڈی فائلنگ ءِ آسراتی داتگ۔ کسٹم ءِ رھبند 554 ءِ سر ءَ عمل کنگ ءِ ھمراھی ءَ جتا جتائیں معائنہ ءِ مراگش جوڑ کنگ بوتگ کہ آ 24 کلاک کار کنگ ءَ اَنت۔ کارگو ءِ ڈیسٹفنگ ءُ ریسٹفنگ ءِ عمل (شپنگ کنٹینر ءَ چہ کشگ ءُ بار کنگ) ءَ را نوکیں سامان ءُ لوٹوکیں مردمی قوت ءَ گوں تیز کنگ بوتگ۔ تجاوزات ءِ ھلاسی ءِ واستہ کراچی پورٹ ٹرسٹ ءَ ھاسیں کمیٹی جوڑ کنگ بوتگ ۔ آمید گس ءِ پرمان آنی سر ءَ عملدرآمد ءَ را ترند کنگ بوتگ ءُ کانودی ءُ انتظامی تک ءَ کار برجاہ اِنت۔ ٹاسک فورس ءِ نگرانی ءَ کارگو ءِ رھادگ بوھگ ءِ تہ ءَ ترندی کیت، بندرگاہ آنی تہ ءَ رش ءِ تہ ءَ مزنیں کساسے ءَ کمی کیت ءُ بندرگاہ آنی سرجمیں گنجائش گیش بیت۔ ماہرین ءَ گشتگ کہ اے گامگیج یک مھکمیں سمندری معیشت ءِ ھاتر ءَ المی انت۔