ریلوے ءِ وزیر عبدالستار ایدھی ءَ را آئی ءِ 10 سالی بیرانی ءِ روچ ءَ آئی ءَ را یات کنائینتگ

اسلام آباد۔8جولائی  (اے پی پی): ریلوے ءِ وفاقی وزیر محمد حنیف عباسی ءَ نامداریں چاگردی رہشون عبدالستار ایدھی ءِ 10می بیرانی ءِ سالروچ ءِ سر ءَ وشیں گال آنی تہ ءَ شگر ءُ منت گپت۔ ریلوے ءِ وزیر ءَ وتی ھاسیں کلوہ ءِ تہ ءَ گوشت کہ عبدالستار ایدھی ءَ انسانیت ءِ ھزمت ءِ یک ابدمانیں مثال ءِ دیم ءَ آؤرتگ کہ ایشی ءَ را راج یک وڑیں ستا ءِ گوما چاریت۔ آئی ءَ گوشت کہ ایدھی صاحب ءِ زند قربانی، مہر ءُ بے مٹیں ھزمت ءِ یک رژنائیں بابے ءُ آئی ءَ رنج ءُ گم ءِ آماچیں انسانیت ءِ ھزمت ءَ را وتی زند ءِ یکیں مول ءُ مراد جوڑ کتگ۔ محمد حنیف عباسی ءَ گوشت کہ ایدھی صاحب ءِ مشن انگت ءَ انسانیت ءِ واستہ اُمیت ءُ دلیری ءِ علامت اِنت، چاگرد ءِ نزور ءُ پدمنتگیں تبک ءِ ھزمت کنگ اصل ءَ ایدھی صاحب ءِ یک راستیں شگر ءُ منت اِنت۔ آئی ءَ اے گپ ءِ سر ءَ زور پر دات کہ مئے ورنا نسل ءَ را ایدھی صاحب ءِ کردار ءُ بے وسیں جزبگ ءِ رھشونی کنگ بہ بیت۔ ریلوے ءِ وزیر ءَ دعا کت کہ اللہ تعالیٰ ھدا مرزی عبدالستار ایدھی ءِ رند ءَ بُرز بہ کنت، آئی ءِ خیرات ءُ وشھالی ءِ ھزمت راجدپتر ءِ تہ ءَ پہ ابد زندگ بہ بنت۔