وزیر داخلہ محسن نقوی ءَ سری لنکن  ءِ ھمکار  ءَ گوں گند ءُ نند کتگ، وت مہ وتی مفاد ءُ سیکورٹی کمک ءِ جیڈھ آنی سر ءَ گپ ءُ تران

نیویارک ۔8جولائی  (اے پی پی): وفاقی وزیر ءِ تہی کار ءُ ناشرکاری ءِ ھلاپ ءَ محسن نقوی ءَ نیویارک ءَ اقوام متحدہ ءِ بنجاہی کارگس ءَ وتی سری لنکا ءِ ھمکار آنند وجے پالا ءَ گوں گند ءُ نند کتگ ءُ وت مہ وتی مفاد ءُ سیکورٹی کمک ءِ جیڈھ آنی سر ءَ گپ ءُ تران کتگ۔ دوئیں رہشون آنی تہ ءَ ناشرکاری ءِ ھلاپ ءَ جوانیں رابطہ ءُ پولیس ءِ تربیت ءِ واستہ وت مہ وتی کمک ءَ را گیش گیش کنگ ءِ سر ءَ تپاک کنگ بوتگ۔ ایشاں اے گپ ءِ سر ءَ ھم تپاک کتگ کہ ناجائزیں امیگریشن ءُ جعلی پاسپورٹ ءِ سر ءَ سفر کنوکیں مردمانی گر ءُ دار ءِ واستہ یکجا کار کنگ بہ بیت کہ ایشی ءِ چیر دستی ءَ دوئیں ملک آنی امیگریشن سروک زوت یکے دومی ءَ گوں رابطہ کن اَنت۔ دوئیں تہی کارانی وزیر آنی نیام ءَ مجرم آنی نیمگ ءَ چہ منی لانڈرنگ ءُ منی لانڈرنگ ءِ ھلاسی ءِ واستہ مفاہمت نامہ ءِ سر ءَ ھم ھیال ریچی کنگ بوت۔ اے کمک ءَ را دائمی بنیاد ءَ گیش کنگ ءِ ھاترا اے گپ ءِ سر ءَ ھم تپاک کنگ بوت کہ دوئیں وزارت آنی نیام ءَ ”مشترکہ کارگس“ جوڑ کنگ بہ بیت ءُ ویزہ ءِ ھوالگ ءَ دیم ءَ اتکگیں جیڈھ آناں اولویت ءِ بنیاد ءَ گیش ءُ گیوار کنگ بہ بیت۔