پاکستان ءِ ہیپاٹائٹس ءَ چہ پاک کنگ مئے راجی جزم اِنت، مصطفیٰ کمال

اسلام آباد۔8جولائی  (اے پی پی): جان سلامتی ءِ وفاقی وزیر مصطفیٰ کمال ءَ گوشت کہ پی ایم ہیپاٹائٹس سی پروگرام حکومت ءِ اولی ترجی آنی تہ ءَ ھوار اِنت ءُ اے مئے راجی جزم اِنت کہ ملک ءَ را اے نادراھی ءَ چہ آجو کنگ بہ بیت، اے ایوک ءَ جان سلامتی منصوبگ نہ اِنت بلکیں راج ءِ آیوکیں وھد ءِ رکھینگ ءِ واستہ یک سرجمیں مہم اِنت۔ آئی ءَ اے ھیالانی درشانی مزن وزیر ءِ پروگرام ءِ ھاسیں چار ءُ تپاسی دیوان ءِ ساھت ءَ کت کہ ایشی ءِ تہ ءَ ھیپاٹائٹس ءِ ھوالگ ءَ راجی تکنیکی مشاورتی گل ءِ سروک پروفیسر سعدان اختر، ایڈیشنل سیکرٹری ہیلتھ، پروجیکٹ ڈائریکٹر ہیپاٹائٹس سی پروگرام، پی ایم ایس ءُ پولی کلینکس ءُ ڈسٹرکٹ ہیلتھ آفس ءِ سروک پروفیسر سعدان اختر ءَ بھر زوری کت۔ پروجیکٹ ڈائریکٹر ءَ اسلام آباد ءَ ہیپاٹائٹس سی ءِ اسکریننگ ءِ پائلٹ فیز ءِ پیشرفت ءِ بابت ءَ سرجمیں بریفنگ داتگ۔ وزیر جان سلامتی ءَ گوشت کہ اسلام آباد ءَ آزمائشی بھر ءِ بندات کنگ ءِ مول ءُ مراد نظام ءِ دیم ءَ اوشتاتگیں جیڈھ آناں عملی رنگ ءَ پجارینگ اِنت۔ نوں اے درستیں جیڑہانی موثریں گیشواری ءِ شوہازگ ءَ چہ آیوکیں 15 روچاں اے نظام سرجم ءَ مھکم بیت۔ وزیر جان سلامتی ءَ گوشت کہ ہیپاٹائٹس سی ءِ نادراہ آنی وھد ءِ پجار ءُ درمان کنگ ءَ چہ اے نادراھی ءِ شنگ ءُ تالان ءَ را جوانیں رنگ ءَ گر ءُ دار کنگ بوت کنت۔ آئی ءَ گوشت کہ پاکستان ءَ ہیپاٹائٹس سی ءِ نادراہ آنی کساس 10 لکھ ءَ چہ گیش اِنت، پمیشکا اے نادراھی ءِ ھلاسی راجی اولی ترجی ءُ راجی مول ءُ مراد اِنت۔ مصطفیٰ کمال ءَ گوشت کہ اسلام آباد ءِ پمز ءُ پولی کلینک ہسپتال اے پروگرام ءِ سر ءَ عمل کنگ ءِ تہ ءَ کلیدی کرد پیلو کن اَنت، وھدیکہ الس ءَ را سرپدی ءِ مہم ءَ را گیش موثر جوڑ کنگ بہ بیت تانکہ ہر شہری وتی راجی ذمہ واری لیک ایت کہ آ ہیپاٹائٹس سی ءِ ٹیسٹ ءَ بہ کنت۔ سرجمیں راج پہ آئی ءِ ھلاس کنگ ءَ ناگزیر اَنت۔ آئی ءَ گوشت کہ وھد ءِ سر ءَ نادراھی ءِ پٹ ءُ پول ءُ درمان کنگ ءَ چہ نہ ایوک ءَ جان ءِ رکّینگ بیت کنت بلکینگ ءَ نادراھی ءِ گیش شنگ ءُ تالان بوھگ ءَ چہ ھم رکگ بیت کنت۔ آئی ءَ اسلام آباد ءِ شہری آں گوں دزبندی کتگ کہ آ اے راجی کمپین ءَ سرجمی ءَ بھر بہ زور اَنت۔ وزیر جان سلامتی ءَ گوشت کہ حکومت شہری آناں مفت اسکریننگ ءُ مفت علاج کنگ ءَ اِنت، وھدیکہ ھیپاٹائٹس سی ءِ نادراھی ءِ آماچیں مردمانی درمان ءِ سرجمیں ھرچ ءُ درچ ءَ ریاست وتی زمہ واری ءَ زوریت۔