قائم مقام چیئرمین سینیٹ ءِ آغا خان یونیورسٹی ہسپتال ءِ تر ءُ تاب، ڈاکٹر ماہ نور  ناصر ءِ گوما ھال پرسی

اسلام آباد/کراچی۔7جولائی (اے پی پی) سینیٹ ءِ قائم مقام چیئرمین سیدال خان ءَ کراچی ءِ آغا خان یونیورسٹی ہسپتال ءِ تر ءُ تاب کتگ ءُ ڈاکٹر ماہ نور  ناصر  ءَ  گند ءُ نند کتگ کہ آ تیزاب ءِ اُرش ءِ وئیل ءَ ٹپیگ بوتگ ءُ آئی ءِ جان سلامتی ءِ بابت ءَ جست ءُ پرس کتگ۔ سئے شمبے ءِ روچ ءَ سینیٹ سیکرٹریٹ ءِ رد ءَ سیدال خان ءَ ڈاکٹر ما ہ نور ناصر   ءُ آئی ءِ ھاندان ءَ گوں گند ءُ نند کتگ، آھاں گوں سرجمیں یکوئی ءُ ھمدردی ءِ درشانی کتگ ءُ آھانی ترندیں جان سلامتی ءِ نیکیں واھگ آنی درشان کتگ۔ آئی ءَ ھاندان ءَ را دل یکیمی دات کہ اے گرانیں وھد ءَ سرجمیں راج آھانی گوما اوشتاتگ۔ سیدال خان ءَ زالبولانی سر ءَ ھر وڑیں زوراکی ءِ ھاسیں رنگ ءَ تیزاب ءِ اُرش ءِ وڑیں زھرناکیں جرم آنی سر ءَ سک باز مذمت کتگ۔ آئی ءَ گوشت کہ اے رنگیں بربریت یک مہذبیں چاگرد ءِ تہ ءَ منگ نہ بنت ءُ انسانی شرپ ءُ بنیاتی ھک آنی سکیں پاگل انت ۔ یکوئی ءِ دلبڈی ءُ یکوئی ءِ درشان ءِ رد ءَ آئی ءَ ڈاکٹر ماہ نور  ناصر ءَ را پُل ءِ گلدستہ ءُ سوگات دات۔ قائم مقام چیئرمین سینیٹ ءَ ڈاکٹر ماہ نور  ناصر ءِ ہمت، استقامت ءُ جزم ءِ توسیپ کت ءُ گوشت کہ اے آزمائش ءِ تہا آ ایوک نہ انت بلکیں سرجمیں راج آئی ءِ گوما اوشتاتگ انت۔ سیدال خان ءَ ڈاکٹر محنور ناصر ءِ سر ءَ اُرش ءَ را سک باز افسوس ءُ مذمت لیک اِتگ۔ آئی ءَ کانود ءِ نفاذ ءِ ادارگ ءُ صوبائی حکومت ءِ کوشست آناں ساڑات ءُ گوشت کہ ارش کنوک وتی آسر ءَ سر بوتگ ءُ زدگیں مردم ءِ کھول ءَ را انصاف رستگ۔ آئی ءَ اے گپ ءِ سر ءَ زور پر دات کہ اے رنگیں جرم آنی گر ءُ دار ءِ واستہ مُدام ھوشیاری ءُ کانود ءِ جوانیں رنگ ءَ عمل کنگ المی اِنت۔ سیدال خان ءَ ڈاکٹر ماہ نور  ناصر ءِ جان سلامتی ءُ درمان ءِ ھوالگ ءَ ہسپتال ءِ انتظامیہ ءَ چہ تفصیلی بریفنگ ھم زرتگ۔ آئی ءَ ہسپتال ءِ طبی کارندہ آنی پیشہ وارانہ ءُ  کزبی  ءُ  طبی آسراتی ءِ پھجارینگ ءِ ھم ستا کرتگ۔ سیدال خان ءَ ڈاکٹر محنور ناصر ءِ زوت ءُ سرجمیں جان سلامتی ءِ دعا کتگ ءُ اے جزم ءِ پدا زور داتگ کہ اے گرانیں وھد ءَ سرجمیں راج آئی ءُ آئی ءِ ھاندان ءِ ھمراہ اِنت۔