زیارت، پولیس پوسٹ ءِ سر ءَ ناشرکاری اُرش ءَ 9 پولیس کارمند شہید، 15 ناشرکار بیر گیری  کارروائی ءَ بیران بوتگ

کوئٹہ۔ 07 جولائی (اے پی پی): زیارت ءِ دمگ ءَ ناشناسیں سلاہ بندیں ناشرکاراں پولیس ءِ پوسٹ ءِ سر ءَ تیرگواری ءَ چہ 9 پولیس کارندہ شہید کتگ اَنت، وھدیکہ سیکورٹی فورسز ءِ سرچ آپریشن ءِ وھد ءَ 15 ناشرکار بیران بوتگ اَنت ۔ بلوچستان ءِ بنجاھی وزیر ءِ ھاسیں کمکار شاہد رند ءِ رد ءَ زیارت ءِ دمگ ءَ ناشرکاری اُرش ءَ ایس ایچ او منگی ءَ ھوار 9 افسر شہید بوتگ اَنت ، وھدیکہ ڈی ایس پی غلام سرور ءَ ھوار 8 پولیس کارندہ گرانیں کوہ ءِ راہاں چہ کاچ پولیس اسٹیشن ءَ سر بوتگ اَنت ۔ آئی ءَ گوشت کہ سرچ آپریشن ءِ وھد ءَ کانسٹیبل رضوان سلامتی ءَ برآمد کنگ بوتگ۔ آئی ءَ گوشت کہ وئیل ءَ چہ پد سیکورٹی فورسز ءَ دمگ ءَ فتنہ الخریج ءِ حلاف ءَ سرچ آپریشن ءِ وھد ءَ 15 ناشرکار کشگ بوتگ انت۔ آئی ءَ گوشت کہ ناشرکاری اُرش ءَ شہید بوتگیں پولیس کارندہ آنی لاش ڈی ایچ کیو اسپتال زیارت ءَ سر کنگ بوتگ انت۔