جدہ۔3جولائی (اے پی پی): وفاقی وزیر داخلہ محسن نقوی ءَ جدہ ءَ مکہ ءِ دمگ ءِ ادارکی گورنر شہزادہ سعود بن مشعل بن عبدالعزیز ءَ گوں گند ءُ نند کت۔ اے موہ ءِ سر ءَ جدہ ءِ گورنر شہزادہ سعود بن عبداللہ بن جلاوی، طائف ءِ گورنر شہزادہ سعود بن نہار بن سعود ءُ شاہی خاندان ءِ مزنیں مردم ہم ساڑی بوتگ انت۔ وفاقی تہی کارانی وزیر محسن نقوی ءَ …
وفاقی داخلہ ءِ وزیر محسن نقوی ءَ مکہ ءِ دمگ ءِ ادارکی گورنر شہزادہ سعود بن مشعل بن عبدالعزیز ءَ گوں گند ءُ نند
جدہ۔3جولائی (اے پی پی): وفاقی وزیر داخلہ محسن نقوی ءَ جدہ ءَ مکہ ءِ دمگ ءِ ادارکی گورنر شہزادہ سعود بن مشعل بن عبدالعزیز ءَ گوں گند ءُ نند کت۔ اے موہ ءِ سر ءَ جدہ ءِ گورنر شہزادہ سعود بن عبداللہ بن جلاوی، طائف ءِ گورنر شہزادہ سعود بن نہار بن سعود ءُ شاہی خاندان ءِ مزنیں مردم ہم ساڑی بوتگ انت۔ وفاقی تہی کارانی وزیر محسن نقوی ءَ گند ءُ نند ءِ ساھت ءَ پاکستان ءُ سعودی عرب ءِ نیام ءَ راجدپتری ءُ براتی سیادی آناں گیش مھکم کنگ ءِ واستہ وتی جزم ءِ پدا زور دات۔ وزیر داخلہ محسن نقوی ءَ ھاسیں رنگ ءَ گورنر مکہ ریجن ءِ منت گپت کہ آ عمرہ ءُ حج ءِ جوانیں بندوبست ءَ کن اَنت۔ سعودی گورنر ءَ تہی کارانی وزیر محسن نقوی ءَ گوں گند ءُ نند ءَ پاکستان ءِ گوما سیادی ءُ ھرچ وڑیں کمک ءِ واستہ وتی سک باز ارزشت ءِ پدر کنگ ءَ گوشت۔ دمگ مکہ ءِ ادارکی گورنر ءَ پی سی بی ءُ سعودی عرب ءِ کرکٹ فیڈریشن ءِ نیام ءَ بوتگیں معاہدے ءَ را وش اتک کتگ۔ ادارکی گورنر ءَ جدہ ءَ اولی انٹرنیشنل اسٹینڈرڈ اسٹیڈیم ءِ جوڑ کنگ ءِ پیسلہ ءَ را ساڑات۔ سعودی ءِ گورنر ءَ وتی دمگ ءَ اسٹیڈیم ءِ جوڑیشت ءِ واستہ پی سی بی ءِ گوما سرجمی ءَ کمک ءِ درشان کتگ۔
