مزن وزیر شہباز شریف ترکی ءِ دو نیمگی تر ءُ تاب ءِ واستہ استنبول ءَ سر بوتگ

استنبول ۔3جولائی  (اے پی پی): مزن وزیر شہباز شریف ترکی ءِ تر ءُ تاب ءِ واستہ استنبول ءَ   پج اتگ ۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ استنبول ءِ اتاترک بالی پٹ ءَ مزن وزیر ءَ را ترک وزیر تجارت پروفیسر ڈاکٹر عمر بولات، ترکیہ  ءَ  پاکستان  ءِ  سفیر ڈاکٹر یوسف جنید  ءُ ترک وزارت ءِ تجارت ءِ ایندگر کارندہ آں وش آتک کتگ۔ مزن وزیر ءِ ھمراہی ءَ نائب مزن وزیر ءُ درئی کارانی وزیر  سینیٹر  محمد اسحاق ڈار، اھوالکاری ءُ شنگکاری ءِ وزیر عطا اللہ تارڑ  ھم ھوار انت۔ مزن وزیر ترکی ءِ صدر رجب طیب اردوان ءِ دعوت ءِ سرا استنبول ءَ سر بوتگ، اودا دوئیں رہشون پاک ترکی ءِ دو نیمگی سیادی ءِ درستیں تک ءُ پھناتانی سرا سرجمیں رنگ ءَ گپ ءُ تران کن انت۔ گند ءُ نند ءِ تہ ءَ ھاسیں رنگ ءَ تجارت ءُ سرمایہ کاری ءِ شوبگ آنی تہ ءَ کمک ءَ را گیش دیمروئی دیگ ءِ سر ءَ دلگوشی دیگ بیت۔ دوئیں بامرد دمگی امن ءُ ایمنی ءِ ھوالگ ءَ جیڈھ آنی سر ءَ ھم ھیال ریچی کن اَنت ۔ مزن وزیر شہباز شریف وتی تر ءُ تاب ءِ ساھت ءَ استنبول ءَ پاکستان سفارتخانہ ءَ برجم دارگ بوھوکیں کاروباری کانفرنس ءَ ھم گوں تران کنت ایشی ءِ تہ ءَ پاکستان ءَ ھاسیں اقتصادی زون، توانائی، آئی ٹی ءُ نجکاری ءِ ھوار دگہ شوبگ آنی تہ ءَ تجارتی ءُ سرمایہ کاری ءِ موہ آناں پدر کنگ بیت۔ اے دیوان ءَ ترکی ءِ نامداریں کاروباری رہشون، سرمایہ کار، مزنیں سرکاری کارندہ ءُ ایندگر مزنیں مردم بہر زور اَنت۔