مزن وزیر شہباز شریف ءَ پاکستانی ڈل ءِ گوما شہید آیت اللہ خامنہ ای ءِ جنازہ ءِ مراگش ءَ بہر زرتگ، ایران ءِ سروکی ءُ غم ءِ آماچیں کھول ءِ گوما دلپدردی ءِ درشان

اسلام آباد۔3جولائی  (اے پی پی): ءَ مزن وزیر محمد شہباز شریف ءَ گوں نائب مزن وزیر ءُ درئی کارانی وزیر سینیٹر محمد اسحاق ڈار، چیف آف آرمی اسٹاف ءُ چیف آف ڈیفنس فورسز فیلڈ مارشل سید عاصم منیر ءُ پاکستانی ڈل ءَ سپریم لیڈر آیت اﷲ خامنہ ای شہید  ءِ جنازہ ءِ مراگش ءَ بہر زرتگ ات۔ مسجد بزرگ امام خمینی طهران. مزن وزیر، نائب مزن وزیر ءُ فیلڈ مارشل ءَ ایران ءِ صدر مسعود پزشکیان ، ایران ءِ پارلیمنٹ ءِ اسپیکر قلیباف، درئی کارانی وزیر عباس عرقچی ءُ ایران ءِ مزنیں کارندہ آنی گوما گند ءُ نند کتگ ءُ شہید  آیت اللہ خامنہ ای ءُ پاکستان ءِ نام ءَ وت ءَ دلپدردی ءِ درشانی کتگ۔ اے موہ ءِ سر ءَ مزن وزیر ءَ پاکستانی الس ءُ حکومت ءِ نیمگ ءَ ایرانی سروکی ءُ غم ءِ آماچیں کھول آناں گوں دلپدردی ءِ درشانی کت ءُ اے غم ءِ ساھت ءَ براتیں ایرانی راج ءِ گوما پاکستان ءِ سرجمیں یکوئی ءِ درشان کت۔ مزن وزیر ءُ پاکستانی ڈل ءَ شہید  آیت اللہ خامنہ ای ءِ پڑ برز کنگ ءِ دعا لوٹائینتگ۔ راجی اسمبلی ءِ سپیکر قومی اسمبلی سردار ایاز صادق، وفاقی وزیر اھوالکاری  ءُ   شنگ کاری  عطاء اﷲ تارڑ، پاکستان پیپلز پارٹی  ءِ  چیئرمین بلاول بھٹو زرداری، سیکرٹری جنرل نیئر حسین بخاری، وزیراعلیٰ سندھ مراد علی شاہ  ءُ پارلیمنٹ ءِ باسک ھم ھوار بوتگ اَنت۔