گورنر بلوچستان نا ضلع شیرانی ٹی مسافر کوچ سانحہ غا ڈکھیائی نا درشان

کوئٹہ۔ 03 جولائی (اے پی پی ) گورنر بلوچستان جعفر خان مندوخیل ژوب ڈویژن نا ضلع شیرانی نا علاقہ دہانہ سر انا خڑک کوئٹہ غان پشاور آ ہنوک آ مسافر کوچ بس انا تمنگ نا سوب پیش بروک آ است ہسون شکست آ ڈکھیائی واست ہسونی نا درشانی ءِ کرینے۔ گورنر مندوخیل ضلعی انتظامیہ ، ریسکیو ٹیم و غٹ تعلقدار محکمہ غاتے خصوصی پارت کرے کہ او مسافر آتے دمدستی ریسکیو کننگ و ٹھپی تے گچین طبی درمان نا فراوانی ءِ پک کننگ کن غٹ دوئی وسیلہ غاتے متحرک کیر۔ غٹ ٹھپی تے بلاتاخیر دمدستی وڑاٹ آسراتی فراوان کننگ نا ہرممکن کوشست کننگے و داہیت ءِ پک کننگے کہ ریسکیو و ریلیف آپریشن  اٹی ڈیوالئی کننگپ۔ گورنر جعفر خان مندوخیل علاقہ نا الس آ ہم زور شاغا کہ او دا مشکل وخت اٹی السی کہول آ ہم کمکی ٹیم تا ہرممکن کمک ءِ کرسا و ٹھپی تیکن دتر و ایلو ضرورت نا بست وبند کرسا تینا قومی قدر انا پاسداری ءِ کیر۔ مسافر آتا نہادی جان تا زیان و ٹھپی تیا گڑتی نا درشانی ءِ کرسا گورنر پدسلوک آ خاہوت آتون ہمدردی نا درشانی ءِ کرے و ٹھپی تا زوت دراخ جوڑی کن دعاکرے۔