لاہور۔ 03 جولائی (اے پی پی ) جدہ ٹی پاکستان کرکٹ بورڈ (پی سی بی) نا چیئرمین محسن نقوی سعودی عرب کرکٹ فیڈریشن نا چیئرمین شہزادہ سعود بن مشعل آل سعود تون اوار کنگ فہد عبدالعزیز یونیورسٹی ٹی جوڑ کرکٹ اسٹیڈیم نا دورہ ءِ کرے۔ پی سی بی ترجمان نا رداٹ دورہ ٹی محسن نقوی اسٹیڈیم نا چندی سیکشن و انکلوژرز نا سرجمی اٹ معائنہ ءِ کرے، وخت اس کہ …
چیئرمین پی سی بی محسن نقوی نا کنگ فہد عبدالعزیز یونیورسٹی ٹی جوڑ کرکٹ اسٹیڈیم نا دورہ
لاہور۔ 03 جولائی (اے پی پی ) جدہ ٹی پاکستان کرکٹ بورڈ (پی سی بی) نا چیئرمین محسن نقوی سعودی عرب کرکٹ فیڈریشن نا چیئرمین شہزادہ سعود بن مشعل آل سعود تون اوار کنگ فہد عبدالعزیز یونیورسٹی ٹی جوڑ کرکٹ اسٹیڈیم نا دورہ ءِ کرے۔ پی سی بی ترجمان نا رداٹ دورہ ٹی محسن نقوی اسٹیڈیم نا چندی سیکشن و انکلوژرز نا سرجمی اٹ معائنہ ءِ کرے، وخت اس کہ سلاہ ئی بدلی و آسراتی تا گچینی نا بابت امور تیا ہم گپ وتران کننگا۔ داوخت آ اودے اسٹیڈیم نا ساڑی آ حالیت، شونداری ڈٹ و آخبت نا ڈٹ بندی نا بابت سرجمی اٹ حوال تننگا۔ محسن نقوی پارے کہ دا اسٹیڈیم سعودی عرب اٹی کرکٹ نا مون آ دننگ اٹ اہم کڑد ادا کیک و زوت داڑے جہانی کرکٹ ایونٹ آتا اڈتننگ نا کسر آوار مریک۔ اوپارے کہ پاکستان کرکٹ بورڈ اکن سعودی عرب اٹی کرکٹ نا شاندار سفر نا بشخ جوڑ مننگ اعزاز نا سوب ءِ۔ اوسعودی عرب کرکٹ فیڈریشن نا چیئرمین شہزادہ سعود بن مشعل آل سعود نا کمکاری نا ستاءِ کرسا اونا خصوصی منت واری ءِ ہرفے و ہڑتوم آملک آتا نیام اٹ کرکٹ نا بشخ اٹی کمکاری ءِ پین مون آ دننگ نا عزم انا درشانی ءِ کرے۔
