صدر مملکت نا بیلاروس نا سرکڑدہ غاتے آجوئی دے آ مبارکباد

اسلام آباد۔ 03 جولائی (اے پی پی ) صدر مملکت آصف علی زرداری بیلاروس نا صدر الیگزینڈر لوکاشینکو و الس ءِ آجوئی دے آ مبارکبادی تسنے۔ جمعہ نادے آ ایوان صدر نا پریس ونگ انا رداٹ صدر مملکت تینا تہنیتی کلہو اٹی پارے کہ منسک نا آجوئی نا داتاریخی دے آجوئی و وتواجہی نا جہد اٹی بیلاروس ناالس نا حوصلہ و پکا عزم انا یات گار ءِ۔ اوپارے کہ دادے امن، سوگوی و قومی یکجہتی نا کنڈآ بیلا روس نا شاندار سفر نا اسہ گمر نا قابل چیدہ ءِ۔ صدر آصف علی زرداری پارے کہ پاکستان ہڑتوم آملک آتا نیام اٹ خوشگوار و کمکاری آ تالان تعلقداری تے بھاز قدر انا نظر اٹ ہرک ہرا تین پہ تینی پت و شونداری کن اسیجائی است خواہی تیاقائم ءِ۔ اوتین پہ تینی است خواہی نا چندی بشخ آتیٹی ہڑتوم آ کنڈآتا تعلقداری تے مون آ دننگ کن پاکستان نا پکا عزم انا درشانی ءِ کرے۔