چیئرمین سینیٹ نا ژوب اٹی بس شکست آ ڈکھیائی نا درشان

اسلام آباد۔ 03 جولائی (اے پی پی ) چیئرمین سینیٹ سید یوسف رضاگیلانی بلوچستان نا علاقہ ژوب اٹی مسافر بس انا است ہسون شکست آ ڈکھیائی و است ہسونی نا درشانی ءِ کرینے۔ سینیٹ سیکرٹریٹ نا رداٹ چیئرمین سینیٹ سید یوسف رضاگیلانی است ہسون شکست اٹی زالبول و چناتتون اوار نہادی انسانی جان تا زیان آ ڈکھیائی نا درشانی ءِ کرسا زہمی خاہوت آتون ہمدردی و ہڑزخواہی نا درشانی ءِ کرینے۔ چیئرمین سینیٹ شکست اٹی زوال کروک آ غٹ بندغ آتا بخشش و درجہ غاتا بڑزی کن دعاکرسا پارے کہ اللہ تعالیٰ ایماندار تے جنت الفردوس اٹی جاگہ ایتے و خاہوت آتے دا بے بدل صدمہ ءِ صبر ، حوصلہ اٹ سگنگ نا توفیق عطاکے۔ سید یوسف رضاگیلانی ٹھپی مروک آتا زوت و پورو دراخ جوڑی کن ہم دعاکرے و تعلقدار ادارہ غاتیا زور شاغا کہ او زہمی تے ہرممکن طبی آسراتی و امداد نا وخت آ فراوانی ءِ پک کیر۔ چیئرمین سینیٹ پارے کہ مچ آ قوم دااست ہسون سانحہ غا سوگوار ءِ و غم انا داساہت اٹی زہمی خاہوت آتا ڈکھیائی ٹی بریبر نا شریک ءِ۔