حکومت نہ ہچ شعبہ ءَ اولیت دیگ ءَ انت ءُ نہ کہ دگہ کسے ءِ سرا غیر ضروری بار ایر کنگ ءَ انت، پٹرولیم ءِ نرخانی بابت ءَ وفاقی وزیر ایکس پوسٹ

اسلام آباد۔27جون  (اے پی پی): وفاقی وزیر پٹرولیم علی پرویز ملک ءَ پٹرولیم ءِ نرخانی بابت ءَ گوشت کہ حکومت نہ کجام ھم شوبگ ءَ را اولیت دیگ ءَ اِنت ءُ نہ کہ دگہ کجام ھم شوبگ ءِ سر ءَ بے وسی ءِ بار ایر کنگ ءَ اِنت۔ حکومت وتی میاں اوستمانی ذمہ واری آنی تہ ءَ ھوار بوھگ ءِ وھد ءَ صارف آناں ھرچ وڑیں نپ ءِ پھجارینگ ءِ سر ءَ دلجم اِنت۔ سوشل نیٹ ورکنگ ویب سائٹ ایکس ءِ سر ءَ وتی پوسٹ ءِ تہ ءَ علی پرویز ملک ءَ گوشت کہ مزن وزیر محمد شہباز شریف ءَ تاں انوگ ءَ اے جزم ءِ رد ءَ ہائی سپیڈ ڈیزل ءِ تہ ءَ کل ءَ 200 کلدار کمی کتگ وھدے کہ پٹرول ءِ تہ ءَ تاں انوگ ءَ کل ءَ 155 کلدار کمی کنگ بوتگ۔ آئی ءَ گوشت کہ اے ھپتگ ءَ جھان ءِ مارکیٹ ءَ پٹرول ءِ پلیٹ ءِ بہا 98.35 ءَ چہ 91.68 ڈالر ءِ نیام ءَ بوتگ، وھدیکہ تیز رفتار ڈیزل ءِ پلیٹ ءِ بہا 109.09 ءَ چہ 104.79 ڈالر ءِ نیام ءَ بوتگ۔