نائب مزن وزیر سینیٹر محمد اسحاق ڈار ءَ گوں ایران ءِ دری کارانی وزیر ءَ فون ءِ سر ءَ گپ ءُ تران

اسلام آباد۔27جون  (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ گوں ایران ءِ دری کارانی وزیر عباس عراقچی ءَ فون ءِ سر ءَ گپ ءُ تران کتگ۔ شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ تہ ءَ گوشت کہ نائب مزن وزیر سینیٹر محمد اسحاق ڈار ءَ پاکستان ءِ پڑ ءُ ایشی ءَ چہ دریں دمگ آنی تہ ءَ دائمی امن ءُ ایمنی ءِ ھاترا جوڑیشت ءِ کرد پیلو کنگ ءِ جزم ءِ یک رندے پدر کت۔ ایران ءِ دری کارانی وزیر عباس اراقچی ءَ امن ءِ عمل ءَ را دیم ءَ برگ ءِ واستہ پاکستان ءِ برجاھیں کمک ءِ توسیپ کت۔ آئی ءَ ایران ءِ جہاز ءِ کارندہ ءُ ماہی گیر آنی جان سلامتی ءَ واتر بوھگ ءِ آسراتی ءِ واستہ پاکستان ءِ ھم منت گپت۔ دوئیں رہشوناں رابطہ ءِ برجاہ دارگ ءِ سرا تپاک کتگ۔