سرجمیں بلوچستان ءَ محرم الحرام ءِ درگت ءَ دراہیں مچی ءُ روانک پہ امن ءُ ایمنی ءَ آسر بوت انت، بلوچستان ءِ سر وزیر

کوئٹہ۔ 27 جون (اے پی پی): بلوچستان ءِ سر وزیر سرفراز بگٹی ءَ گشتگ الحمداللہ سرجمیں بلوچستان ءَ محرم الحرام ءِ درگت ءَ دراہیں مچی ءُ مچی ءُ روانک پہ ایمنی ءُ وشیں وڑے ءَ آسر بوتگ انت۔ اے موہ ءِ سر ءَ آئی ءَ ضلعی انتظامیہ، پولیس، کانود ءِ نفاذ ءِ ادارگ، سول انتظامیہ، رضاکار، زانتکار، مچی ءُ جلوس ءِ جارچین ءُ الس ءِ کمک ءَ را ساڑات ءُ گوشت کہ درستیں سیادی داروکیں ادارگاں وتی ذمہ واری جوانیں رنگ ءَ پیلو کتگ تانکہ محرم ءِ وھد ءَ امن ءُ ایمنی ءِ وسیلگ ءَ ھمگرنچیں رنگ ءَ دل یکیمی کنگ بہ بیت۔ ہم آہنگی ءِ سرا کار کنگ ءَ انت۔ بنجاھی وزیر ءَ گوشت کہ گوستگیں سال آنی تہ ءَ بلوچستان حکومت ءِ تجربت آنی رد ءَ اے سال ءَ سیکورٹی ءُ انتظامی منصوبگ بندی ءَ را گیش موثر، ھمگرنچ ءُ ٹوھیں جوڑ کنگ بوتگ ایشی ءَ چہ جوانیں آسر دیم ءَ اتکگ اَنت۔ آئی ءَ گوشت کہ توامیں ادارگ آنی نیام ءَ جوانیں رابطہ ءُ یکجائی حکمت عملی ءِ سبب ءَ غم ءِ آماچیں مردم آناں امن ءِ چاگرد ءَ وتی دینی فرض آنی پیلو کنگ ءِ واستہ سازگاریں چاگرد پجاری کنگ بوت۔ سرفراز بگٹی ءَ گوشت کہ بلوچستان ءِ الس ءَ مدامی وڑ ءَ مذہبی یکوئی، براتی، برداشت ءُ ذمہ واری ءِ درشانی کتگ کہ اے ستا کرز انت۔ آئی ءَ گوشت کہ صوبگ ءَ امن ءُ ایمنی ءِ برجائی ءِ واستہ حکومت، کانود نافذ کنوکیں ادارگ ءُ الس یکیں پج ءَ انت ءُ ھمے راجی یکوئی مئے مستریں طاقت انت۔ بلوچستان ءِ سر وزیر ءَ پولیس ، لیویز ، ایف سی ، ایندگر کانود ءِ نفاذ ءِ ادارگ ، ریسکیو سروسز ، جان سلامتی ءِ محکمہ ، بنجاہی ادارگ ءُ ہمگرنچیں محکمہ آنی افسر ءُ کارندہ آنی خدمت آناں ستا کرتگ ءُ گشتگ کہ محرم الحرام ءِ وھد ءَ وتی زمہ واری پیلو کتگ انت۔ امن ءُ ایمنی ءِ سرجمیں استان ءَ برجم دارگ بوتگ۔ آئی ءَ اے جزم ءِ پدا زور پر دات کہ بلوچستان ءِ حکومت بلوچستان ءِ مہلوک ءِ جانی ءُ مال ءِ رکھینگ، مذہبی آجوئی ءُ صوبہ ءِ تہ ءَ دائمی امن ءِ برجائی ءِ واستہ ھمک رنگ ءِ گامگیج ءَ برجاہ دار ایت۔