زوراکی، غیر انسانی یا بے شرپیں سلوک ہچ مہذبیں چاگرد ءَ نا منّگ بیت،  فلسطین ءُ مقبوضہ کشمیر ءِ مہلوک بدترین زوراکی ءُ بے شرپیں ءُ غیر انسانی سلوک ءِ دیمپان انت،  زوراکی ءِ آماچیں مردمانی کمک ءِ میاں اوستمانی روچ ءِ درگت ءَ مزن وزیر شہباز شریف ءِ کلوہ

اسلام آباد۔26جون  (اے پی پی): مزن وزیر محمد شہباز شریف ءَ زوراکی، غیر انسانی یا بے شرپیں سلوک ءَ را ہچ مہذبیں چاگرد ءَ نا منّگ لیک اتگ ءُ گشتگ کہ اے وڑیں زہرشانی ءِ کار انسانی حق ءُ انسانی شرپ ءِ مزنیں لگتمالی انت ءُ اے ہم میاں اوستمانی کانود ءُ اسلامی ٹیک ءِ ھلاپ انت۔ مزن وزیر ءَ زوراکی ءِ آماچیں مردمانی کمک ءِ میاں اوستمانی روچ ءِ موہ ءَ وتی کلوہ ءِ تہ ءَ گوشت کہ زوراکی ءِ آماچیں مردمانی کمک ءِ میاں اوستمانی روچ ءِ سر ءَ پاکستان سرجمیں دگنیا ءَ زوراکی ءِ آماچیں مردم آنی گوما دل ءِ جہلانکی ءَ گوں یکوئی ءِ درشان ءَ کنت۔ مرچی پاکستان وتی جزم ءِ پدا پدر کنت کہ آ میاں اوستمانی براتی ءِ گوما ھمک رنگیں زوراکی ءِ ھلاسی، انسانی شرپ، انصاف ءُ بنیاتی انسانی ھک آنی رکھینگ ءِ ھاترا کار بہ کنت۔ آئی ءَ گوشت کہ اے روچ انسانی شرپ ءِ ارزشت ءَ را پدر کنت ءُ یک یات ءِ رنگ ءَ کار کنت کہ زوراکی، غیر انسانی یا بے شرپیں سلوک کجام ھم مہذبیں چاگرد ءَ نا منّگ بیت۔ اے وڑیں زھرناکیں کار انسانی ھک ءُ انسانی شرپ ءِ مزنیں لگتمالی یے ءُ ھمے رنگ ءَ میان اُستمانی قانود ءُ اسلامی تعلیمات ءِ ھلاپ اِنت۔ مزن وزیر ءَ گوشت کہ پاکستان انسانی شخص ءِ تقدس ءُ شرپ ءِ ھوالگ ءَ اسلامی ارزشت آنی رھشونی ءَ ءُ وتی میاں اوستمانی ذمہ واری آنی رژنائی ءَ زوراکی ءِ ھلاسی ءُ توامیں مردم آنی رکھینگ ءَ را گیش مھکم کنگ ءِ واستہ وتی راجی جزم ءِ یک رندے پدا پدر کنت۔ ھرچ وڑیں چاگردی زوراکی ءِ آماچیں مردم شرتریں طبی، نفسیاتی، قانونی ءُ چاگردی کمک ءِ حقدار اَنت ءُ زوراکی ءِ سبب جوڑ بوتگیں مردمانی احتساب ءِ ضمانت دیگ المی اِنت۔ اے مول ءُ مراد ءِ واستہ ھمگرنچیں کانود، کانود ءُ ادارگی اصلاحات ءُ ریاستی ایمنی ءُ نگرانی ءِ نظام ءِ موثر نفاذ ءَ را گیش مھکم کنگ بوھگ ءَ اِنت۔ آئی ءَ گوشت کہ پاکستان ءَ دری قبضہ گیر آنی نیمگ ءَ زوراکی ءَ را سلاہ ءِ رنگ ءَ مزنیں کچے ءَ ءُ منظم کارمرد کنگ ءِ سر ءَ سکیں دلپدردی ءِ درشان کنگ ءَ انت۔ فلسطین ءُ مقبوضہ جموں کشمیر ءِ مہلوک ریاستی ظلم ءُ زوراکی ءِ آماچ انت، قبضہ گیر ءِ بدترین زوراکی ءُ بے شرپ ءُ غیر انسانی سلوک ءِ آماچ انت۔ قبضہ گیر آنی جرم آنی مذمت کنگ ءُ آھانی احتساب کنگ یک مشترکہ جھان ءِ ذمہ واری یے ۔ آئی ئَ گوشت کہ اے موہ ئَ پاکستان مقبوضہ جموں کشمیر ئَ ریاستی ناشرکاری ئِ آماچیں مردمانی نگیگیں جاور ئُُ رنج ئِ نیمگ ئَ دلگوش گور کنگ لوٹ ایت۔ بھارت ءِ ناجائزیں قبضہ ءِ چیر دستی ءَ مقبوضہ جموں ءُ کشمیر ءَ دہائیاں چہ انسانی حقانی سنگینیں لگتمالی مدام بوتگ۔ میاں اوستمانی تک ءَ بے کساسیں، معتبریں رپورٹاں وتی مرضی ءِ رد ءَ دزگیر کنگ، بندیگ کنگ ءِ وھد ءَ ٹارچر، زوراکی ءَ بیگواہ کنگ، اجتماعی سزا، اظہار ءِ آجوئی ءِ سر ءَ بندش ءُ مقبوضہ جموں ءُ کشمیر ءَ سیاسی اختلاف ءِ سرکوب کنگ ءِ گامگیج آنی سر ءَ جیڑگ ءِ درشانی کتگ۔ مقبوضہ جموں ءُ کشمیر ءِ انسانی حقانی گرانیں جاور ھال ءِ بابت ءَ میان استمانی انسانی ھکانی گل ءُ اقوام متحدہ ءِ انسانی ھکانی ادارگ آنی نیمگ ءَ پیش کنگ بوتگیں رپورٹ ءُ جیڑہ درحقیقت منظم زوراکی ءِ یک جھان ءِ تصدیق انت۔ مزن وزیر ءَ گوشت کہ پاکستان چہ میاں اوستمانی براتی، اقوام متحدہ ءُ انسانی ھک آنی ادارگ آناں لوٹ کنت کہ آ جھان ءِ تک ءَ انسانی ھک آنی لگتمالی ءِ مجرم آنی احتساب ءَ را دل یکیمی بہ کن اَنت ءُ زوراکی ءِ آماچیں مردم آنی رکھینگ ءِ واستہ موثر ءُ بامردیں میاں اوستمانی کمک ءَ را دیم ءَ برگ بہ بیت۔ آئی ءَ گوشت کہ پاکستان مرچی بھارت ءِ ناجائزیں قبضہ ءِ چیر دستی ءَ مقبوضہ جموں ءُ کشمیر ءَ زوراکی ءِ آماچیں مردم آنی گوما سرجمیں یکوئی ءِ درشان کنت ءُ درملکی حاکمی ءِ ھلاپ ءَ آھانی جہد ءِ واستہ سیاسی، سفارتی ءُ اخلاقی کمک ءِ یک رندے پدا کنت ءُ اقوام متحدہ ءِ کونسل ءِ قرارداد آنی چیر دستی ءَ آوانی وت واجئی ءِ ھک ءِ مھکمیں کمک ءَ کنت۔