او پی ایف ءِ چیئرمین سید قمر رضا ءِ گشگ انت کہ درملکیں پاکستانیانی شکایتانی گیش ءُ گیوار ءِ تہا سوبمندی ءِ شرح 83 درسد انت

اسلام آباد۔26جون  (اے پی پی): اوورسیز پاکستانی آنی واستہ دیم ءَ آؤرتگیں ھاسیں اصلاحات آنی سر ءَ چمشانک دیان ءَ او پی ایف ءِ چیئرمین سید قمر رضا ءَ گوشت کہ فاؤنڈیشن ءَ وتی 24/7 واٹس ایپ، ای میل ءُ آن لائن پورٹل شکایت ءِ نظام ءَ را مھکم کتگ ایشی ءِ آسر ءَ اوورسیز پاکستانی آنی شکایت آناں گیواری ءِ تہ ءَ 83درسد سوبمندی ءِ شرح بوتگ۔ جمعہ ءِ روچ ءَ یک دمگی چینل ءِ گوما تران کنان ءَ آئی ءَ درشان کت کہ او پی ایف وتی سسٹم ءَ را مدام اپ گریڈ کنگ ءَ اِنت تانکہ درملکیں چاگرد ءِ واستہ کارکردگی، شفافیت ءُ سروس ڈیلیوری ءَ را گہتر کنگ بہ بیت۔ آئی ءَ گوشت کہ فاؤنڈیشن آزاد جموں کشمیر ءَ ھوار چاریں صوبگ آنی تہ ءَ 27 ءَ چہ گیش اسکول ءُ کالج آنی انتظام کنگ ءَ اِنت وھدیکہ درملک ءَ نندوکیں ھاندان آنی واستہ فیس ءِ تہ ءَ 50درسد ءَ تاں رعایت ھم دیگ ءَ اِنت۔ آئی ءَ گیش گوشت کہ او پی ایف درملک ءَ ھاسیں رنگ ءَ میاں اوستمانی تک ءَ ھاوسنگ سوسائٹی ءُ درملک ءَ پاکستانی کارکن آنی وشھالی ءِ واستہ سرگرمیں رنگ ءَ کار کنگ ءَ اِنت تانکہ نوکری ءِ ناامنی ءُ کارجاہ ءِ جیڈھ آنی وڑیں جیڈھ آناں گیش ءُ گیوار کنگ بہ بیت۔ آئی ءَ گیش گوشت کہ ایشی ءَ چہ درملک ءَ بیرانی ھواریں ھاسیں جیڈھ آناں ھم آسراتی رسیت، ھاندان آنی وھد ءِ سر ءَ کمک ءَ را دل یکیمی کنگ ءُ درملک ءَ پاکستانی آناں ادارگی کمک ءِ سر ءَ بھروسہ ءَ را مھکم کنگ بیت۔ آئی ءَ گوشت کہ او پی ایف درملکی پاکستانی آنی شفافیت ءُ کارآمد ءِ گوما ازمت کنگ ءِ واستہ سرجمی ءَ جزمیگ انت۔