حضرت امام حسین (ع) ءُ آئی ءِ شہیدیں سنگتانی بے مٹیں قربانی انسانی راجدپتر ءِ تہا ظلم ءِ ھلاپ ءَ ہمت، استقامت ءُ راستی ءِ برجائی ءِ مستریں جلوہ اِنت، اعظم نذیر تارڑ

اسلام آباد۔26جون  (اے پی پی): وفاقی وزیر ءِ کانود، انصاف ءُ انسانی حقانی سینیٹر اعظم نذیر تارڑ ءَ گوشت کہ کربلا ءَ حضرت امام حسین ءُ آئی ءِ شھیدیں ھمراھ آنی امر قربانی انسانی راجدپتر ءِ تہ ءَ زلم ءُ زوراکی ءِ ھلاپ ءَ دلیری، استقامت ءُ راستی ءِ برجائی ءِ مستریں درشان اِنت۔ امام حسین (ع) ءَ وتی قربانی ءِ وسیلگ ءَ داتگیں راستی، انصاف، انسانی شرپ ءُ اصولانی سرا بے مٹیں مھکمیں پیغام انگت ءَ سرجمیں دگنیا ءِ انسانیت ءِ ھاترا رژنائی ءِ چراگ اِنت۔ وزارت ءِ کانود ءُ انصاف ءِ نیمگ ءَ چہ جاڑی بوتگیں بیان ءِ تہ ءَ وفاقی وزیر ءَ گوشت کہ کربلا ءِ وئیل مارا انصاف، صبر، قربانی، رواداری ءُ انسانیت دوستی ءِ وڑیں جہانی ارزشت آنی یات ءَ دنت۔ عاشورہ ءِ روچ ءِ موہ ءَ ما اے وانینگانی سر ءَ ھیال ءُ لیکہ بہ کن ایں ءُ وتی چاگرد ءَ رواداری، راجی یکوئی، یکے دومی ءِ شرپ ءُ چاگردی ھمگرنچی ءِ دیمروئی ءِ تہ ءَ وتی کرد ءَ پیلو کنگ ءِ وعدہ بہ کن ایں ۔ آئی ءَ گوشت کہ اے پاکیں روچ ءَ ما حضرت امام حسین (ع) ءِ مزنیں میراث ءَ را یات پیش کن ایں ءُ انسانی شرپ ءِ رکھینگ، نزور ءُ محرومیں تبک آنی ھک آناں دیمروئی دیگ ءُ پرامن، ھواریں ءُ عادلانہ پاکستان ءِ جوڑ کنگ ءِ واستہ وتی جزم ءِ نوک کنگ ءَ ایں ۔ اللہ تعالیٰ مارا راستی ءُ ایمانداری ءِ راہ ءَ روگ ءِ توان ءُ وس ءُ واک بہ دنت ءُ وتی مھروانیں وطن ءَ امن ءُ مھکم ءُ وشھالی ءِ نعمت ءَ بہ دنت۔