پاکستان منشیات ءِ ھترہ ، ایشی ءِ ناجائزیں بھر ءُ بانگ ءُ ورناہاں رسگ ءِ ھاترا جزم انت، مزن وزیر شہباز شریف

اسلام آباد۔26جون  (اے پی پی): مزن وزیر محمد شہباز شریف ءَ چاگرد ءِ درستیں تک ءَ چہ اپیل کتگ کہ آ منشیات ءِ ھلاپ ءَ جنگ ءَ کلیدی کرد پیلو بہ کن اَنت، آئی ءَ گوشت کہ پاکستان ءِ تہ ءَ منشیات ءِ شنگ ءُ تالان ءِ تہ ءَ ھواریں ھمگرنچیں ھترہ آنی ھلاپ ءَ جنگ ءِ واستہ جزم ءُ مھکم اِنت۔ پدریچ. اے ھیالانی درشانی آئی ءَ منشیات ءِ کارمرزی ءُ ناجائزیں دزگیری ءِ ھلاپ ءَ میاں اوستمانی روچ ءِ موہ ءَ وتی کلوہ ءِ تہ ءَ کت کہ مرچی جمعہ ءِ روچ ءَ برجم دارگ بوھگ ءَ انت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ مرچی پاکستان اقوام متحدہ ءِ گوما ھوار اِنت ءُ منشیات ءِ کارمردی ءُ ناجائزیں سوداگری ءِ ھلاپ ءَ میاں اوستمانی روچ ءِ سر ءَ وتی یکجائی جزم ءِ پدا پدر کنگ ءَ اِنت کہ اے چاگردی نادراھی آنی گیواری ءِ واستہ ھمک رنگیں گامگیج کنگ بیت۔ اے روچ ءَ منشیات ءِ کارمردی ءُ ناجائزیں سوداگری ءِ کثیر جہتی انسانی، معاشی ءُ چاگردی تاوان ءُ ایشی ءِ تباہ کنوکیں اثرات ءِ سر ءَ چمشانک دیگ بیت۔ آئی ءَ گوشت کہ اے سال ءِ بنگپ ’’منشیات ءَ چہ پاکیں آیوکیں وھد ءِ واستہ دیریں جیڈھ، نوکیں چیلنج ءُ نوکیں گامگیج‘‘ اِنت۔ عنوان ءِ سرا جہانی تک ءَ منشیات ءِ جیڑہ ءِ سنگینیں دروشم ءِ نیمگ ءَ دلگوش گور کنگ بیت۔ آئی ءَ گوشت کہ پاکستان ءَ را منشیات ءِ رنگ، ایشی ءِ ناجائزیں بھر ءُ بانگ ءُ ورنا آنی واستہ ایشی ءِ دست کپگ ءَ ھوار آئی ءَ گوں ھمگرنچیں درستیں ھوپ آنی ھلاپ ءَ جنگ ءِ واستہ جزم ءُ یک مھکمیں پاکستان اِنت۔ حکومت راجی گنجائش، ادارگی ہم آہنگی ءَ را گیش کنگ ءُ ٹریفکنگ ءِ ھلاسی ءِ واستہ میاں اوستمانی شریک آنی گوما کمک ءَ را گیش کنگ ءِ واستہ مدام کوشست کنگ ءَ اِنت۔ تھنا چہ درستیں ناجائزیں نیٹ ورکاں سرجمی ءَ ھلاس کنگ ءَ چاگرد ءَ را ایمن جوڑ کنگ بیت۔ مزن وزیر ءَ گوشت کہ ورنا آناں اے وبا ءَ چہ رکھینگ ءِ واستہ جوانیں گامگیج مئے راجی اولی ترجی انت۔ منشیات ءِ چہ پاکیں وانگ ءُ زانگ ءِ ادارہانی ضمانت دیگ ءِ ھاتر ءَ ھاسیں گامگیج اِنت۔ آئی ءَ گوشت کہ اینٹی نارکوٹکس فورس منشیات ءِ بہا کنگ ءِ گر ءُ دار، ایشی ءِ لوٹ ءَ را کم کنگ، اے نائب ءِ ھلاپ ءَ آگاہی ءُ آماچیں مردم آنی علاج ءُ بحالی ءِ رد ءَ جوانیں گامگیج کنگ ءَ انت۔ منشیات ءِ ھلاپ ءَ قانون ءِ موثر نفاذ، ھمزمان ءَ چہ رکگ ءُ بحالی ءِ تک ءُ پھنات آنی سر ءَ دلگوشی حکومت ءِ متوازن ءُ جامع حکمت عملی ءِ درشان اِنت۔ مزن وزیر ئَ گوشت کہ اے موہ ئَ منشیات ئِ ھلاپ ئَ اُرد ئِ بہادریں شھید آناں ھاسیں رنگ ئَ یات ئَ کناں کہ آہاں وطن ئِ رکھینگ ئِ واستہ وتی سر ندر کتگ اَنت۔ ایشانی ہمت، قربانی ءُ فرض ءِ احساس مئے واستہ فخر ءِ وسیلہ انت۔ آئی ءَ گوشت کہ پاکستان ءِ حکومت منشیات ءِ ھلاپ ءَ کثیر جہتی گامگیج آنی تہ ءَ توامیں سیادی داروکیں ادارگ آنی گنجائش ءَ را گیش کنگ ءَ انت۔ صوبائی حکومت آنی کمک ءَ وانگ ءُ زانگ ءِ ادارگ آنی تہ ءَ سرپدی ءُ رکگ ءِ پروگرام آناں گیش کنگ بوھگ ءَ انت، درمان ءُ بحالی ءِ آسراتی آناں گہتر کنگ بوھگ ءَ انت۔ پاکستان انٹیلی جنس شیئرنگ، یکجائی آپریشن ءُ جوانیں دمگی کمک ءِ وسیلگ ءَ ناجائزیں ٹریفکنگ نیٹ ورک ءِ ھلاپ ءَ جنگ ءِ واستہ میاں اوستمانی شریکداری آناں گیش مھکم کنگ ءَ اِنت۔ آئی ءَ چہ مات ءُ پت، استاد، وانگ ءُ زانگ ءِ ادارگ، چاگردی رہشون، میڈیا ءُ ورنا آں ھوار ھرکس ءَ چہ اپیل کت کہ آ منشیات ءِ ھلاپ ءَ جنگ ءِ تہ ءَ کلیدی کرد پیلو بہ کن اَنت ءُ گوشت کہ اے وڑیں چاگردی ردیانی ھلاپ ءَ سرپدی دیگ، رکگ ءِ گامگیج زورگ ءُ جان سلامتیں چاگرد ءِ جوڑ کنگ مئے یکجائی راجی ذمہ واری اِنت۔