چیف ٹریفک افسر اسلام آباد ءِ اپیل ءَ محرم ءِ جلوس ءِ ھاتر ءَ امن ءُ ایمنی ءِ ضلورت اِنت

اسلام آباد۔25جون  (اے پی پی): چیف ٹریفک آفیسر کائنات اظہر خان  ءَ پنچ شمبے ءِ روچ ءَ اسلام آباد ءِ جی 6 ءِ دمگ ءَ محرم ءِ مستریں جلوس ءِ راہ ءِ تر ءُ تاب کتگ ءُ ٹریفک ءِ بندوبست آنی سر ءَ چار ءُ تپاسی کتگ ءُ سیکورٹی بندوبست آنی سر ءَ نگرانی کتگ۔ سی ٹی او ءَ وتی تر ءُ تاب ءِ ساھت ءَ میڈیا چینلاں گوں تران کنان ءَ ٹریفک ءِ کارندہ آنی تعیناتی ءِ چار ءُ تپاسی کتگ، ٹریفک ءِ روانی ءِ سر ءَ نگرانی کتگ ءُ جلوس ءِ راہ ءِ سر ءَ ڈیوٹی ءِ سر ءَ اوشتاتگیں افسر آناں ھم ہدایت داتگ۔ آئی ءَ جلوس ءِ بھر زوروک ءُ لس الس ءِ جان سلامتی ءَ را دل یکیمی کنگ ءِ وھد ءَ ٹریفک ءِ رھادگ بوھگ ءِ برجائی ءِ سر ءَ زور پر دات۔ کائنات اظہر خان ءَ جلوس ءِ بہر زوروک ءُ وفاقی دارالحکومت ءِ نندوکیں مردم آناں زور پر دات کہ آ نظم ءُ ضبط ءِ برجائی ءَ بہ کن اَنت، ٹریفک ءِ مشورہ ءِ رد ءَ عمل بہ کن اَنت ءُ روٹ آنی سر ءَ تعیناتیں پولیس ءِ کارندہ آناں گوں سرجمیں رنگ ءَ کمک بہ کن اَنت۔ آئی ءَ چہ شہریاں اپیل کتگ کہ آ وتی گاڑی ءُ موٹر سائیکلاں ایوک ءَ نامینتگیں جاھاں ایر بہ کن اَنت تانکہ چہ رش ءَ بچگ ءُ لوٹ بوت گڈا ایمرجنسی رسائی ءِ آسراتی بہ بیت۔ ٹریفک پولیس ءِ رد ءَ محرم ءِ مستریں جلوس ءِ وھد ءَ ٹریفک ءِ انتظام ءُ مسافر آنی کمک ءِ واستہ 350 ءَ چہ گیش کارندہ ایر کنگ بوتگ انت۔ مسافر آنی مشکلات ءَ را کم چہ کم کنگ ءُ آماچیں دمگ آنی کش ءُ گور ءَ منظمیں رؤگ ءُ آیگ ءِ ھاترا ھاسیں بندوبست کنگ بوتگ۔ سی ٹی او ءَ گوشت کہ مذھبی مراگش آنی امن ءُ ایمنی ءِ واستہ شہری ءُ کانود ءِ نفاذ ءِ ادارگ آنی نیام ءَ جوانیں ھمگرنچی المی اِنت ءُ سڑک ءِ کارندہ آناں چہ لوٹ کتگ کہ آ صبر ءُ اوپار ءَ بہ کن اَنت ءُ سرجمیں روچ ءَ ٹریفک ءِ واکدار آنی نیمگ ءَ چہ جاڑی بوتگیں ہدایت آنی سر ءَ عمل بہ کن اَنت۔