چیئرمین سینیٹ سید یوسف رضا گیلانی ءَ وینزویلا ءَ زمین چنڈ ءِ سبب ءَ جانی ءُ مال ءِ تاوان ءِ سرا غم ءِ درشان

اسلام آباد۔25جون  (اے پی پی): سینیٹ ءِ چیئرمین سید یوسف رضا گیلانی ءَ وینزویلا ءَ بوتگیں مزنیں زمین چنڈ ءِ سبب ءَ جانی ءُ مال ءِ تاوان ءِ سر ءَ دل ءِ تہ ءَ دلپدردی ءِ درشانی کتگ ءُ آماچیں ھاندان ءِ گوما دل ءِ تہ ءَ ھمدردی ءِ درشانی کتگ۔ پنچ شمبے ءِ روچ ءَ سینیٹ سیکرٹریٹ ءِ نیمگ ءَ جاڑی بوتگیں چیئرمین سینیٹ ءَ وتی کلوہ ءِ تہ ءَ گوشت کہ پاکستان ءِ الس ءُ پارلیمنٹ اے گرانیں وھد ءَ وینزویلا ءِ حکومت ءُ الس ءِ گوما سرجمیں رنگ ءَ یکوئی ءِ درشان ءَ کن اَنت۔ آئی ءَ زمین چنڈ ءَ بیران بوتگیں مردمانی کھول ءِ گوما دلپدردی ءِ درشانی کتگ ءُ گوشت کہ پاکستانی راج وینزویلا ءِ اُلس ءِ غم ءَ یک پیم ءَ بھر ءُ بانگ کنت۔ سید یوسف رضا گیلانی ءَ زمین چنڈ ءَ ٹپیگیں مردمانی زوت ءُ سرجمی ءَ جان سلامتی ءِ واستہ نیکیں واھگ آنی درشان کنان ءَ گوشت کہ پاکستان ھمک گرانیں وھد ءَ وینزوئلا ءِ الس ءِ ھمراھی ءَ اوشتاتگ ءُ اے قدرتی آفت ءَ آماچیں مردمانی کچ ءُ کچ ءَ را وتی لیک ایت۔ چیئرمین سینیٹ ءَ گوشت کہ قدرتی آفت ءِ واستہ جھان ءِ تک ءَ ھمدردی، کمک ءُ یکوئی ءِ ضلورت انت ءُ انسانی جان ءِ تاوان سرجمیں انسانیت ءِ واستہ تاوان انت۔ آئی ءَ امیت درشان کت کہ وینزویلا ءِ حکومت ءُ الس وتی جزم، دلیری ءُ یکوئی کمک ءِ وسیلگ ءَ اے آزمائش ءَ چہ سوبمندیں رنگ ءَ دیم ءَ اتک کن اَنت۔ آئی ءَ یک رندے پدا آماچیں ھاندان آنی گوما سرجمیں ھمدردی ءِ درشانی کت ءُ گوشت کہ پاکستان وینزویلا ءِ اُلس ءِ گوما وتی یکوئی ءُ نیکیں واھشت آناں پدا پدر کنت۔