امریکہ ءُ ایران ءِ امن منوگر جھان ءِ امن ءِ واستہ راجدپتری سنگ انت، اے امن ءُ گپ ءُ تران ءِ طاقت ءِ سوبمندی ءُ سفارتکاری ءِ سوبمندی انت، پاکستان 19 جون ءَ جنیوا ءَ معاہدے ءِ دستخط ءِ مراگش ءِ میزبانی ءَ کنت، مزن وزیر شہباز شریف

اسلام آباد۔15جون  (اے پی پی): مزن وزیر شہباز شریف ءَ امریکہ ءُ ایران ءِ نیام ءَ امن معاہدے ءَ را جھان ءِ امن ءِ واستہ راجدپتری سنگ میل لیکگ ءِ وھد ءَ گوشت کہ اے راجدپتری امن معاہدے ءِ سرکاری دستخط ءِ مراگش 19 جون جمعہ ءِ روچ ءَ پاکستان ءِ میزبانی ءَ جنیوا ءَ برجم دارگ بیت۔ اے ایوک ءَ دو ملکانی نیام ءَ تپاک کنگ نہ اِنت بلکیں امن ءُ گپ ءُ تران ءِ زور ءِ سوبمندی ءُ سفارتکاری ءِ سوبمندی اِنت۔ اے امن معاہدے ءِ آسر ءَ ھر پاکستانی ءِ یکجاھیں کوشست ءُ توانائی آناں کارمرد کنگ ءَ چہ جھان ءِ اقتصادی استحکام ءِ میوہ آرگ بنت۔ اے جنگ ءِ شعلہانی بُجگ ءُ امن ءِ برجائی ءَ فیلڈ مارشل سید عاصم منیر ءَ بے دروریں کردے پیلو کتگ۔ مزن وزیر ءَ اے ھیالانی درشانی امریکی صدر ڈونلڈ ٹرمپ ءَ امن معاہدے ءِ سر ءَ دستخط کنگ ءِ جار ءَ پد دو شمبے ءَ راجی اسمبلی ءَ گوں تران کنان ءَ کت اَنت۔ مزن وزیر شہباز شریف ءَ گوشت کہ اے اللہ تعالیٰ ءِ بے مٹیں فضل ءُ کرم انت کہ مرچی دگنیا ءَ امن ءِ راجدپتری میل ءَ چہ گوستگ۔ جنگ ءِ سیاہیں شپ ءَ پد امن ءِ روچ شنگ بوتگ، شکر اِنت ءُ سئے ماہ ءُ شانزدہ روچ ءِ بے دروریں آزمائشاں پد امریکہ ءُ ایران ءَ لبنان ءَ ھوار درستیں محاذاں زوت ءُ دائمی فوجی کارروائیانی بند کنگ ءِ جار جتگ۔ مزن وزیر ءَ گوشت کہ اے راجدپتری امن معاہدے ءِ سر ءَ دستخط کنگ ءِ سرکاری مراگش 19جون جمعہ ءِ روچ ءَ جنیوا ءَ برجم دارگ بیت، پاکستان مراگش ءِ میزبانی ءَ کنت۔ آئی ءَ گوشت کہ اللہ تعالیٰ ءَ وتی کاملیں مھربانی ءَ گوں جنگ ءِ چست بوھوکیں شعلہ آنی بند کنگ ءُ امن ءِ برجائی ءِ واستہ مئے دلجمیں کوشست آناں من اِتگ ءُ پاکستان ءَ را دگنیا ءِ تہ ءَ ھما عزت ءُ شرپ داتگ ھما چیز اِنت کہ راج سداں سالاں چہ آئی ءِ شوھاز ءَ اَنت۔ مرچی اللہ تعالیٰ پاکستان ءِ 240 ملین اُلس ءَ را ھما عزت ءُ شرپ داتگ راجدپتر ءِ تہ ءَ بے درور اِنت۔ آئی ءَ اے سوبمندی ءِ سر ءَ پاکستانی راج ءُ سرجمیں میاں اوستمانی براتی ءَ را مبارکی دات ءُ گوشت کہ ایوان ءِ چیریں توامیں (سرکار ءُ اپوزیشن) ءِ توامیں باسک آناں ھم مبارکی دیاں۔ من مئے رھشون محمد نواز شریف ءِ ھم منت واراں کہ من ءَ مدام آئی ءِ رھشونی بوتگ۔ مزن وزیر ءَ گوشت کہ من صدر آصف علی زرداری، چیئرمین پاکستان پیپلز پارٹی بلاول بھٹو زرداری ءُ پارٹی رہشون آناں دل ءِ تہ ءَ چہ مبارکی ءَ کناں، ایشانی سرجمیں کمک من ءَ رستگ۔ آئی ءَ گوشت کہ اے ایوک ءَ دو ملک آنی نیام ءَ تپاک کنگ نہ انت بلکینگ ءَ امن ءُ گپ ءُ تران ءِ طاقت ءِ سوبمندی انت ۔ جنگ ءِ تباہی ءِ سرا سفارتکاری ءِ سوبمندی اِنت۔ ایوان ءِ تہ ءَ سرجمیں کمک ءَ آئی ءَ امریکی صدر ڈونلڈ ٹرمپ ، ایران ءِ سروک سید مجتبہ خامنہ ای ، ایران ءِ صدر مسعود پشمرگا ءُ اے امن عمل ءَ بھر زوروکیں وتی ٹیم آنی درستیں باسک آناں مبارک بات دات کہ آھاں وتی دست ءِ عقل ءُ زانت ، عقل ءُ صبر ءِ دست ءَ یلہ نہ داتگ کہ پاکستان ءَ را سکیں مشکلیں روچ ءِ تہ ءَ سکیں مشکلیں روچے ءَ اتکگیں بلے پہ سرجمیں دگنیا ءَ ھم۔ آئی ءَ گوشت کہ مذاکرات ءِ اے مشکل ءُ صبر ءِ عمل ءَ من امیر قطر شیخ تمیم بن حمد الثانی ءِ سرجمیں کمک ءَ را شگر ءُ منت گراں کہ آئی ءَ سک باز جوانیں کرد پیلو کتگ۔ من سعودی عرب ءِ ولی عہد محمد بن سلیمان ءُ ترکی ءِ صدر طیب اردوان ءِ دور اندیشیں سروکی ءُ سرجمیں کمک ءِ سک باز منت وار آں ۔ مزن وزیر ءَ پاکستان ءِ مزنیں دوست چین ءِ صدر شی جن پنگ ءِ ھاسیں منت واری ءِ درشانی کت آئی ءَ امن گپ ءُ تران ءَ را دیم ءَ برگ ءِ واستہ ارزشتی ایں کمک پجاری کت ءُ پاکستان ءَ گوں سرجمی ءَ شور ءُ سلاہ کت۔ آئی ءَ گوشت کہ ھمے رنگ ءَ من اے راجدپتری روچ ءَ دگنیا ءِ بے کساسیں ملک آنی شگر ءُ منت ءَ گِراں۔ مزن وزیر ءَ گوشت کہ بیا اِت ما درست یکجائی ءَ اللہ تعالیٰ ءِ دیم ءَ سجدہ کن ایں آئی ءَ وتی مزنیں مھروان ءَ گوں مارا اے مزنیں روچ ءَ پیش داشتگ۔ مزن وزیر ءَ گوشت کہ اے راجدپتری روچ ءَ پاکستان ءِ مزن ءُ بامردیں بچ فیلڈ مارشل سید عاصم منیر ءِ نام گرگ ءَ ابید منی گشتانک سرجم نہ بیت۔ اے جنگ ءِ شعلہانی ہلاس کنگ ءُ ایمنی ءِ برجائی ءِ واستہ فیلڈ مارشل سید عاصم منیر ءَ شپ ءُ روچ محنت کتگ ۔ آئی ءَ گوشت کہ اے منی ذاتی زانت ءِ رد ءَ گپ ءُ تران ءِ اے عمل ءِ تہ ءَ بازیں جہل ءُ بُرز بوتگ ءُ انچو گمان بوتگ کہ اے گپ ھلاس بوھگ ءَ اِنت بلے پاکستان ءِ اے مزنیں چُک ءَ دل ءِ ھلاسی نہ کتگ ءُ اللہ تعالیٰ ءِ سر ءَ توکل ءِ گوما برجاھیں کوشست برجاہ داشتگ، ایشی ءِ آسر ءَ جنگ بندی ءِ سرکاری رنگ ءَ گڈی ءَ جار جنگ بوتگ۔ مزن وزیر ءَ گوشت کہ اگاں اے مخلصی، مھکم ءُ حکمت ءِ سفر برجاہ نہ بوتیں گڈا بوت کنت کہ دگنیا ءَ ایمنی ءِ واب ٹُکّر ٹُکّر بوتگ ات ءُ جنگ ءِ شعلہ آں انچو گیش تباہی آؤرتگ ات۔ فیلڈ مارشل سید عاصم منیر ءَ پہ اے کار ءَ یک غیر معمولی کردے پیلو کتگ کہ ایشی ءِ ھاتر ءَ من ءَ ھوار سرجمیں راج آئی ءَ را شگر ءُ منت وار آں ۔ مزن وزیر ءَ نائب مزن وزیر ءُ درئی کارانی وزیر سینیٹر محمد اسحاق ڈار ءَ را ھم دل ءِ جہلانکی ءَ چہ مبارک بات دات، آئی ءَ شپ ءُ روچ وتی محنت ءِ وسیلگ ءَ اے امن عمل ءَ را سوبمند کنگ ءَ ھاسیں کرد پیلو کت۔ آئی ءَ وفاقی وزیر داخلہ محسن نقوی ءِ ھزمت آناں ھم ساڑات کت، براتیں ملک ایران ءِ ھوالگ ءَ، آئی ءَ اے وھد ءِ تہ ءَ مزنیں ذمہ واری ءِ گوما ھاسیں کار آناں سرجم کت۔ آئی ءَ گوشت کہ ایشی ءِ گوما وزارت ءِ درئی کار ءَ ھوار توامیں ادارگ آنی لائکیں افسر ھم ساڑاھ ءِ لائک اَنت، ایشاں وتی پیشہ وارانہ ھنر ءَ گوں پاکستان ءَ را شان ءُ شُہرت آؤرتگ۔ اِے درست پاکستان ءِ شان اَنت۔ آئی ءَ گوشت کہ مرچی نا ایوک ءَ پاکستان ءِ الس ءِ واستہ بلکینگ ءَ دگنیا ءِ توک ءَ نشتگیں ھمک پاکستانی ءِ واستہ جشن ءِ روچ انت۔

’’جب اپنا قافلہ عزم و یقیں سے نکلے گا

جہاں سے چاہیں گے‘رَستہ وہیں سے نکلے گا

وطن کی مٹی‘  مجھے  ایڑیاں  رگڑنے  دے

مجھے   یقیں ہے‘ چشمہ یہیں سے نکلے گا‘‘

’’ہم نے آج جیتا ہے وہ امتحان

دنیا میں گونجتا ہے نام پاکستان

جب ہم پر کوئی حملہ کردے تو

دشمن کو دھول چٹاتے ہیں ہم

اور امن کی بات ہو تو

آگ میں پھول کھلاتے ہیں ہم ‘‘۔