جاپان ءِ دری کارانی وزیر ءَ نائب مزن وزیر ءُ دری کارانی وزیر اسحاق ڈار ءَ گوں گند ءُ نند کتگ ءُ امریکہ ءُ ایران ءِ نیام ءَ مفاہمت ءِ تہ ءَ پاکستان ءِ کرد ءِ توسیپ

اسلام آباد۔15جون  (اے پی پی):جاپان ءِ درئی کارانی وزیر توشیمیتسو موٹیگی ءَ فون ءِ سر ءَ نائب مزن وزیر ءُ درئی کارانی وزیر سینیٹر محمد اسحاق دار ءَ گوں گپ ءُ تران کتگ۔ دو شمبے ءِ روچ ءَ وزارت ءِ درئی کار آنی نیمگ ءَ چہ جاڑی بوتگیں بیان ءِ رد ءَ دوئیں سروک آناں امریکہ ءُ ایران ءِ نیام ءَ بوتگیں مفاہمت ءَ را وش اتک کتگ ءُ دمگی استحکام ءُ گیشیں میاں اوستمانی براتی ءِ واستہ ایشی ءِ ارزشت ءَ را من اِتگ۔ جاپان ءِ دری کارانی وزیر ءَ اے سرجمیں عمل ءِ تہ ءَ پاکستان ءِ یکجاھیں مصالحتی کرد ءُ جوڑیشت ءِ کوشست آنی سر ءَ جاپان ءِ مزنیں ستا ءُ ستا ءِ درشانی کت کہ ایشی ءَ چہ دست کپتگیں آسر آناں آسراتی ءُ دیمروئی ءِ تہ ءَ کمک رستگ۔ دوئیں رہشوناں برجاھیں سفارتی رابطہ آنی ارزشت ءِ سر ءَ زور پر دات ءُ وت مہ وتی سیادی ءُ یکجاھیں مفاد ءِ جیڈھ آناں گیش مھکم کنگ ءِ واستہ نزیکیں کمک ءُ یک شل  گپ ءُ تران ءِ برجاہ دارگ ءِ وتی عزم ءِ پدا زور دات۔