امریکہ ءُ ایران ءِ امن ڈیل پاکستان ءِ واستہ یک ھاسیں ءُ راجدپتری سفارتی سوبمندی یے، وزیر دفاع قومی اسمبلی ءَ وتی ھیالانی درشانی کنت

اسلام آباد۔15جون  (اے پی پی): وزیر دفاع خواجہ محمد آصف ءَ گشتگ امریکہ ءُ ایران ءِ امن ڈیل پاکستان ءِ ھاتر ءَ یک ھاسیں ءُ راجدپتری سفارتی سوبمندی یے، خطہ ءَ امن ءِ ھاتر ءَ امریکہ ءَ مزنیں گامگیج زرتگ، براتیں خلیج ءِ ملک امن ءِ اے زرین موہ ءَ چہ پائدگ چست بہ کن انت۔ دو شمبے ءِ روچ ءَ راجی اسمبلی ءِ دیوان ءَ امریکہ ءُ ایران ءِ امن ڈیل ءِ سر ءَ تران کنان ءَ وزیر دفاع ءَ گوشت کہ پاکستان راجدپتری ساھت آنی تہ ءَ چہ گوستگ ءُ دگنیا ءِ تہ ءَ پاکستان ءِ عزت ءُ شرپ گیش بوتگ، ھما صبر، برداشت ءُ زانت ءِ گوما پاکستان ءُ پاکستان ءِ سروکی ءَ اے جیڈھ ءِ گیواری 75سالی راجدپتر ءِ تہ ءَ یک ھاسیں سنگ میل اِنت۔ وزیر دفاع ءَ گوشت کہ ایرانی برات آناں یک نازرکیں وھد ءَ، سکیں زور ءِ تہ ءَ ءُ سکیں نازرکیں دور ءَ صبر ءُ برداشت ءِ درشانی کتگ، آھانی سروکی ءَ ایرانی راج ءِ رھشونی ءِ رنگ ءُ ایرانی راج ءَ یکوئی ءِ درشان ءِ رنگ ستا کرز اِیت ءُ اللہ تعالیٰ ءَ وتی فضل ءُ احسان ءِ نعمت ایشانی سر ءَ داتگ۔ اگاں مسلم امت اے رنگیں یکوئی ءُ یکوئی ءِ درشان ءَ بہ کنت گڈا آ روچ دور نہ انت کہ فلسطین ءِ جیڈھ ھم گیش ءُ گیوار بیت ءُ غزہ ءِ مسلماناں ھم انصاف رسیت۔ آئی ءَ گوشت کہ اللہ تعالیٰ ءَ پاکستان ءَ را شرپ داتگ، پاکستان ءَ را سفارتی محاذ ءَ مزنیں سوبمندی رستگ، پاکستان ءَ امن ءِ واستہ کوشست کتگ، ایشی ءِ آسر اللہ تعالیٰ ءَ داتگ انت۔ یک سالے پیسر مرچی ما دگہ جنگے کتگ ات، اللہ تعالیٰ ءَ مارا اے جنگ ءَ ھم سوبمندی داتگ ات ءُ مئے فورسزاں مارا اے جنگ ءَ ھم شان داتگ ات۔ کلیں راج جھکگ ءُ اللہ تعالیٰ ءِ شگر ءُ منت ءَ بہ کنت کہ کمیں وھد ءِ تہا دو مزنیں سوبمندی رستگ اَنت۔ وزیر دفاع ءَ گوشت کہ اے دوئیں مزنیں سوبمندی آنی وڑ ءَ یکجہ ءُ یکوئی ءِ گوما ما ناشرکاری ءُ اقتصادی محاذ آنی سر ءَ جنگ آناں ھم سوبین کناں۔ ناشرکاری ءِ ھلاپ ءَ جنگ مئے درستانی واستہ مشترکہ جنگ اِنت۔ وزیر دفاع ءَ گوشت کہ امریکی سروکی ءِ ھم شگر ءُ منت گرگ لوٹ آں ۔ امریکہ ءَ دمگ ءِ امن ءِ نیمگ ءَ مزنیں گامگیجے چست کتگ ءُ ھما ناانصافی کہ دہ سالاں چہ ایران ءِ سر ءَ بوھگ ءَ اَنت من اِتگ ءُ اے گپ ءِ نیمگ ءَ ھم تپاک نامہ ءِ تہ ءَ اشارہ کتگ۔ وزیر دفاع ءَ براتیں خلیج ءِ ملک آناں ھم اپیل کت کہ اے یک زرین موہ یے کہ آ یکوئی ءُ امن ءِ اے ساھت ءَ چہ پائدگ چست بہ کن اَنت، وتی راج ءُ مسلمان امت ءَ را یکجاہ بہ کن اَنت، ءُ غزہ، کشمیر، لبنان ءُ ھر جاگہ ​​کہ مسلمان جیڈھ آنی آماچ اَنت آھاں جیڈھ آنی گیواری ءِ تہ ءَ وتی کرد ءَ پیلو بہ کن اَنت۔