پاکستان ءَ را سیمی جہانی جنگ ءِ گر ءُ دارگ ءِ شرف دیگ بوتگ، پاکستان امن نوبل داد ءِ  لائک  انت، اسپیکر نیشنل اسمبلی

اسلام آباد۔15جون  (اے پی پی): راجی اسمبلی ءِ اسپیکر ایاز صادق ءَ گوشت کہ پاکستان ءَ را سیمی جہانی جنگ ءِ گر ءُ دار کنگ ءِ شرپ دیگ بوتگ، پاکستان امن نوبل داد ءِ مستحق انت۔ دو شمبے ءِ روچ ءَ راجی اسمبلی ءِ دیوان ءِ بندات ءَ امریکہ ءُ ایران ءِ نیام ءَ بوتگیں معاہدے ءِ سر ءَ وتی ھیال ءُ لیکہ آنی درشان کنان ءَ اسپیکر راجی اسمبلی ءَ گوشت کہ ما اللہ تعالیٰ ءِ ھرچ وڑیں منت واری ءَ بہ کن ایں بلے اے ھچ نہ اِنت پرچا کہ اللہ تعالیٰ ءَ اے شرپ پاکستان ءَ داتگ ءُ پاکستان ءَ را ھما شرپ رستگ کہ ایشی ءِ سبب ءَ چہ سیمی جنگ ءَ پیسر بوتگ۔ آئی ءَ گوشت کہ ایران ءُ امریکا ءِ امن معاہدے ءِ سر ءَ حکومت، الس ءُ پارلیمنٹ ءِ باسک آناں مبارکی دیان آں ۔ پاکستان ءِ مزن وزیر ءُ نائب مزن وزیر ءُ درئی کارانی وزیر سینیٹر محمد اسحاق ڈار ھم اے معاہدے ءِ سر ءَ مبارکی ءِ مستحق اَنت کہ آھانی بے مٹیں ءُ برجاھیں کوشستاں چہ دیمروئی ممکن بوتگ۔ قومی اسمبلی ءِ صدر ءَ گوشت کہ چیف آف ڈیفنس اسٹاف فیلڈ مارشل عاصم منیر ءِ بے مٹیں کوشست ءُ محنت ءَ را ھم شگر ءُ منت وار آں۔ راجی اسمبلی ءِ صدر ءَ تہی کارانی وزیر محسن نقوی ءِ برجاھیں رابطہ، راجی سلامتی ءِ مشیر، درئی کارانی سیکرٹری آمنہ بلوچ ءِ کوشست، درئی کارانی کارگس ءِ ٹیم ءُ ھما ملک آنی ھم توسیپ کت کہ آھاں اے معاہدے ءِ سر ءَ تپاکی ءِ سر ءَ جوانیں کرد پیلو کتگ۔ آئی ءَ گوشت کہ پاکستان ءِ سروکی امن نوبل داد ءِ مستحق انت۔ قومی اسمبلی ءِ صدر ءَ مہمان آنی گیلری ءَ دوستیں ملک آنی سفیر آناں وش اتک کنان ءَ گوشت کہ پاکستان ءَ ایران ءِ سفیر رضا امیری مقدام ادا نامداریں مردمے، آ ھم مئے درستاں گوں سیادی دار ایت ءُ اے سرجمیں معاملہ ءَ آئی ءِ کوشست سک باز ستا کرز انت۔