امریکہ ءُ ایران ءِ نیام ءَ امن ءِ منوگر ءِ سر ءَ سر بوھگ ، 19 جون ءَ سوئٹزرلینڈ ءَ یک شلی ءَ  دستخط کنگ ءِ مراگش برجم دارگ بیت ، مزن وزیر شہباز شریف

اسلام آباد۔15جون  (اے پی پی): مزن وزیر محمد شہباز شریف ءَ گشتگ امریکہ ءُ ایران ءِ نیام ءَ امن ءِ منوگری بوتگ ۔ دوئیں نیمگاں لبنان ءَ ھوار درستیں محاذانی سر ءَ زوت ءُ دائمی فوجی کاروائی بند کنگ ءِ جار جتگ۔ امن معاہدے ءِ یک شل  دستخط ءِ مراگش 19جون ءَ سوئٹزرلینڈ ءَ بیت۔دو شمبے ءِ روچ ءَ سوشل نیٹ ورکنگ ویب سائٹ ایکس ءِ سر ءَ وتی بیان ءِ تہ ءَ مزن وزیر ءَ گوشت کہ دراجیں ءُ پائدگ مندیں گپ ءُ تران ءَ پد مارا وشی ءِ جار جنگ بیت کہ امریکہ ءُ ایران ءِ نیام ءَ امن منوگر بوتگ۔ دوئیں نیمگاں لبنان ءَ ھوار درستیں محاذانی سر ءَ زوت ءُ دائمی فوجی کاروائی بند کنگ ءِ جار جتگ۔ 19جون ءَ سوئٹزرلینڈ ءَ امن معاہدے ءِ یک شل  دستخط کنگ ءِ مراگش برجم دارگ بیت مزن وزیر ءَ گوشت کہ جیڈھ ءِ سفارتی گیواری ءِ واستہ امریکہ ءُ ایران ءِ جزم ءِ ساڑاھگ ءُ منت وار ایں ۔ ما اے میانجی داری ءِ عمل ءَ براتیں ملک قطر ءِ کمک ءَ چہ منت وار ایں ۔ آئی ءَ اقوام متحدہ ءِ سروکی ءِ ھم دل ءِ تہ ءَ منت واری ءِ درشانی کت کہ آھانی کمک اے تپاکی ءِ سر ءَ سر بوھگ ءَ سک باز المی ثابت بوت۔ آئی ءَ گوشت کہ سعودی عرب ءُ ترکی ءِ وژنری سروکی ءِ ھم ھاسیں منت واری ءِ درشانی کن آں کہ آھاں اے درگت ءَ ارزشتی ایں ازمت ءُ نامداریں کرد پیلو کتگ۔ مزن وزیر ءَ گوشت کہ تپاک بوھگ ءَ پد اے ھپتگ ءَ ثالث بازیں گند ءُ نند کن اَنت۔ اے بنداتی گپ ءُ تران تکنیکی پڑ ءِ گپ ءُ تران ءُ معاہدے ءِ یک شل  دستخط ءِ مراگش ءِ بنیاد ءَ جوڑ کن انت۔