صدر آصف علی زرداری ءَ امریکہ ءُ ایران ءِ نیام ءَ یکوئی ءِ وش آتک کتگ

اسلام آباد۔15جون  (اے پی پی): صدر آصف علی زرداری ءَ امریکہ ءُ ایران ءِ نیام ءَ بوتگیں منوگری ءَ را وش اتک کتگ ءُ امیت سہرا کتگ کہ ایشی ءَ چہ گڈی منوگری ءِ راہ پچ بیت ءُ دمگ ءَ دائمی ءُ سرجمیں امن ءِ بنیات ایر کنگ بیت۔ دوشمبے ءِ روچ ءَ ’’ایکس‘‘ ءِ سر ءَ وتی بیان ءِ تہ ءَ صدر ءِ مملکت ءَ گوشت کہ پاکستان ءَ را پھر اِنت کہ اے گرانیں وھد ءَ مدام گپ ءُ تران ءُ سفارتکاری ءِ کمک کتگ۔ اے دیمروئی کثیر جہتی کمک ءَ را مھکم کنگ ءُ یکے دومی ءِ شرپ ءُ بامردیں ھوار بوھگ ءِ وسیلگ ءَ جیڈھ آناں پرامن گیواری ءِ دیمروئی ءِ ھاترا ھم یک ھاسیں گامگیج اِنت۔ آئی ءَ دعا کت کہ اے کوشست دمگ ءُ سرجمیں دگنیا ءِ واستہ گیشتر امن ءُ ایمنی ءُ وشھالی ءِ سوب جوڑ بہ بنت۔