قومی اسمبلی ءِ دیوان ءَ اسمبلی ءِ باسک کشت ءُ کشار ءِ شوبگ ءِ سر ءَ دلگوشی دیگ ءُ کم آمدنی ءِ مردم آناں ریلیف پجاری ءِ ضلورت ءِ سر ءَ زور پر دات

اسلام آباد۔14جون  (اے پی پی): راجی اسمبلی ءَ آیوکیں مالی سال 2026-27 ءِ وفاقی بجٹ ءِ سر ءَ گپ ءُ تران ءَ بھر زوری کنان ءَ اسمبلی ءِ باسک آں کشت ءُ کشاری ءِ شوبگ ءِ سر ءَ دلگوشی دیگ ءُ کم آمدنی ءِ مردم آناں ریلیف ءِ پجارینگ ءِ ضلورت ءِ سر ءَ زور پر دات ءُ گوشت کہ 2026-2027 ءِ تہ ءَ کشت ءُ کشاری ءِ کرد ءَ را گیش کنگ بہ بیت۔ تنخواہ داریں طبقہ ءَ را ریلیف دیگ بہ بیت ءُ ٹیکس ءِ بریکٹ ءَ را گیش کنگ بہ بیت۔ یک شمبے ءِ روچ ءَ راجی اسمبلی ءِ دیوان ءَ بجٹ ءِ سر ءَ گپ ءُ تران ءَ بھر زوری کنان ءَ اپوزیشن ءِ باسک سلیم الرحمان ءَ گوشت کہ سوات ءِ انحصار سیل ءُ سواد ءِ سر ءَ اِنت، ناشرکاراں ایشی ءَ را تباہ کتگ، مئے شاہراہ ھم ھرابیں جاور ھال ءَ اَنت، ایشی ءَ چہ سیل ءُ سواد ءَ را ھم تاوان رسگ ءَ اِنت۔ پیپلز پارٹی ءِ باسک صادق میمن ءَ گوشت کہ مزن وزیر ءَ مفاہمت ءِ بابت ءَ گپ کتگ، اے گپ وش آتک انت۔ سندھ ءَ آپ ءِ کمی اِنت، 1991 ءِ سندھ ءِ آپ ءِ معاہدہ ریزرویشن ءِ باوجود راجی مفاد ءِ ھاتر ءَ منگ بوتگ، مکلی ءِ ٹھٹا ءَ آپ ءِ ورگ نہ اِنت۔ کوسٹل ہائی وے ءِ واستہ 20ارب کلدار ایر کنگ ءِ تجویز ستا کرز انت۔ اپوزیشن ءِ باسک شہزاد محمد گستاس خان ءَ گوشت کہ 18می ترمیم ءَ بازیں جیڈھ آنی تہ ءَ صوبگ آناں وت واجہی داتگ، نوکیں انتظامی یونٹ جوڑ کنگ بہ بنت، ایشی ءَ چہ جوانیں حکومت داری ءِ آسراتی رس ایت۔ مسلم لیگ ن ءِ باسک ایشیا ناز تنولی ءَ گوشت کہ پاکستان اے وھد ءَ موسمی بدلی ءِ آماچ انت، نیشنل ٹری پلانٹیشن کمپین ءِ تہ ءَ ھمک سال یک ارب پودگ ءِ کشت ءُ کشار کنگ بہ بیت۔ الیکٹرک بس ءُ گاڑیانی حوصلہ افزائی کنگ بہ بیت۔ فیصل امین گنڈاپور ءَ گوشت کہ این ایف سی ایوارڈ ءِ تہ ءَ فاٹا ءِ الس آنی بھر ھوار نہ انت۔ رسول بخش چانڈیو ءَ گوشت کہ سکھر حیدرآباد موٹروے ءِ واستہ فنڈز ءَ را گیش کنگ بہ بیت۔ محمد شبیر علی قریشی ءَ گوشت کہ جنوبی پنجاب ءِ نیمگ ءَ ھاسیں دلگوشی دیگ بہ بیت۔ صلاح الین جونیجو ءَ گوشت کہ سندھ ءَ آپ ءِ کمی ءِ گر ءُ دار ءِ واستہ مزن وزیر وتی کرد ءَ پیلو بہ کنت۔ صاحب زادہ امیر سلطان ءَ گوشت کہ ملک ءَ صنعت کار ءُ پیشہ ور آناں روزگار ءِ موہ پجاری کنگ بہ بنت۔ سمر ہارون بلور ءَ گوشت کہ ما وتی بیرک ءُ ملک ءِ قانون ءِ تہ ءَ پکتون آنی ھک آنی واستہ جنگ ءَ کن ایں ۔ کے پی کے ءَ ناامنی وتی اوج ءَ انت، پی ٹی آئی ءِ سروک ہر روچ ٹک ٹاک جوڑ کنگ ءِ ھاترا اڈیالہ ءَ کاینت بلے آ 13 سال انت کہ صوبہ ءِ اقتدار ءَ انت، آہاں پہ راج ءَ چے کتگ؟ آئی ءَ گوشت کہ سرکاری کارندہ آنی پگار ءُ پنشن آنی تہ ءَ جوانیں رنگ ءَ گیشی کنگ بوتگ۔ پاکستان وتی دری پالیسی ءِ سبب ءَ دنیا ءِ تہا یک نامداریں جاہ ءِ سر ءَ اوشتاتگ۔ پیپلز پارٹی ءِ باسک سید عبدالقادر گیلانی ءَ گشتگ کہ شہری کنگ ءِ بابت ءَ پالیسی جوڑ کنگ بہ بیت، کشت ءُ کشاری ءِ بابت ءَ فارمر کارڈ جوڑ کنگ بہ بیت کہ کھاد ءِ سرا سبسڈی دیگ بہ بیت دانکہ دلال نپ مہ زور انت۔ کساناں وت واجہ جوڑ کنگ بہ بیت ءُ گیشیں وام ءِ سرا مجبور کنگ مہ بیت۔ بجٹ ءِ تہا کشت ءُ کشاری ءَ را داتگیں وام سبسڈی ءِ تہا بدل کنگ بہ بنت۔ غزالا انجم ءَ گوشت کہ مزن وزیر شہباز شریف ءُ فیلڈ مارشل عاصم منیر ءِ سروکی ءَ پاکستان ءَ مزنیں سوبمندی یے رستگ۔ پاکستان مسلم لیگ نواز سرکار ءَ ارباں کلدار ءِ دو مزنیں منصوبہ چترال ءَ داتگ کہ ایشی ءِ تہا لواری ٹنل ہم ہوار انت۔ مسلم لیگ ن ءِ سرکار ہر وھد ءَ کہ اقتدار ءَ اتک گڑا آئی ءَ دیمروئی ءِ عمل ءِ تہا خیبر پختونخوا مین اسٹریم ءِ تہا آورت۔ سرکار ءَ ملک ءِ پد منتگیں دمگاں ڈنی وانگجاہ جوڑ کتگ اَنت۔ ڈاکٹر شیستا جادون ءَ گوشت کہ مزن وزیر شہباز شریف ءَ نواز شریف ءِ وژن ءِ سر ءَ عمل کتگ ۔ قسمت هزارہ پشت کپتگیں مناطق بهداشتی درمانی ناکافی است انت۔ صوبہ ہزارہ مئے حق اِنت۔