سر وزیر بلوچستان ءِ ورلڈ بلڈ ڈونرز ڈے ءِ موہ ءَ کلوہ

کوئٹہ۔ 14 جون (اے پی پی): بلوچستان ءِ سر وزیر میر سرفراز بگٹی ءَ ھون ءِ داتگیں جھان ءِ روچ ءِ درگت ءَ وتی کلوہ ءِ تہ ءَ گوشت کہ اے روچ انسانیت ءِ ھزمت، ندر کنگ ءُ چاگردی ذمہ واری ءِ جزبگ ءَ را برجا کنگ ءِ روچ اِنت۔ آئی ءَ گوشت کہ یک ھون ءِ عطیہ یک مردم ءِ واستہ نوکیں زند ءُ اُمیت ءِ پیغام جوڑ بوت کنت، وھدیکہ ایمن ءُ رضاکارانہ ھون ءِ دستیابی یک جوانیں جان سلامتی ءِ نظام ءِ بنیاتی لوٹ اِنت۔ بلوچستان ءِ سر وزیر ءَ گوشت کہ حادثہ، سرجری، زھگ ءِ پیدائش ءُ جتاجتائیں نادراھیانی آماچیں نادراھانی زند وھد ءِ سر ءَ ھون ءِ سپلائی ءَ گوں بندوک انت، پمیشکا چاگرد ءِ ھمک مردم ءَ وتی رضاکارانہ ھون ءِ جزبگ ءَ را دیم ءَ برگ لوٹ ایت۔ میر سرفراز بگٹی ءَ گوشت کہ بلوچستان حکومت جان سلامتی ءِ شوبگ ءَ راجدپتری اصلاحات آرگ ءَ انت تانکہ الس آناں وھد ءُ پاس ءِ رد ءَ جوانیں دوا ءُ درمان ءِ آسراتی پجارینگ بہ بنت۔ آئی ءَ گوشت کہ پیپلز ایئر ایمبولینس سروس دوریں دمگ آنی تہ ءَ نادراہ آناں ترندیں دوا ءُ درمان ءِ کمک پجارینگ ءِ تہ ءَ المی کرد پیلو کنگ ءَ اِنت ءُ ایئر ایمبولینس ءِ وسیلگ ءَ ٹرانسپورٹ کنگ بوتگیں نادراہ آنی جان ءِ رکھینگ ءِ تہ ءَ ایمنیں ھون ءِ دستیابی کلیدی ارزشت ءِ واھند اِنت۔ بنجاھی وزیر ءَ رضاکارانہ ھون ءِ داتگیں مردم آناں انسانیت ءِ راستیں خیرخواہ لیک اِتگ ءُ آھانی ھزمت آناں شگر ءُ منت گپتگ۔ آئی ءَ ورنا، وانگ ءُ زانگ ءِ ادارگ ءُ وشھالی ادارگ آناں زور پر دات کہ آ ھون ءِ عطیہ ءِ دود ءُ ربیدگ ءِ دیمروئی ءَ سرجمیں رنگ ءَ کرد پیلو بہ کن اَنت۔ آئی ءَ گوشت کہ ھون ءِ عطیہ ءِ روایت ءَ را دیم ءَ برگ ءَ چہ گران بھائیں انسانی جانانی رکھینگ ءَ جوانیں کرد پیلو کنگ بوت کنت ءُ اے انسانیت ءِ واستہ جوانیں ازمت انت۔