بھارت دریا آنی سر ءَ ذخائر جوڑ کنگ ءَ مئے آپ ءِ بھر ءَ را بند کنگ ءِ پندل کنگ ءَ اِنت، بجٹ ءَ آپ ءِ ذخائر ءِ واستہ ھرچ کتگیں زرّ ءَ را گیش کنگ بہ بیت، راجی اسمبلی ءِ باسک

اسلام آباد۔14جون  (اے پی پی): راجی اسمبلی ءِ باسکاں گوشت کہ بھارت دریا آنی سر ءَ ذخیرہ جوڑ کنگ ءَ مئے آپ ءِ بھر ءَ را بند کنگ ءِ پندل کنگ ءَ اِنت، بجٹ ءَ آپ ءِ ذخیرہ آنی واستہ ایر کتگیں زرّ ءَ را گیش کنگ بہ بیت، جنوبی پنجاب ءَ را جتاھیں صوبہ دیگ بہ بیت تانکہ پٹرول ءِ کمی ءِ احساس دور بہ بیت ءُ کمی ءِ احساس بہ بیت۔ یک شمبے ءِ روچ ءَ راجی اسمبلی ءَ بجٹ ءِ سر ءَ بحث ءَ بھر زوری کنان ءَ شرمیلا فاروقی ءَ گوشت کہ بجٹ ءِ تہ ءَ اشرافیہ ءَ را ریلیف دیگ بوتگ، عام مردم ءَ را بزنس کلاس ءُ ڈیبٹ کارڈ ءَ چہ نپ نہ رسیت۔ رواں مالی سال ءَ تنخواہ داریں تبک ءَ چہ 850ارب کلدار ٹیکس جم کنگ بوتگ، سیمی شیڈول ءَ را گیش کنگ ءَ چہ 21زمرہ گیش کنگ بوتگ، ایشی ءِ تہ ءَ روچ ءِ لوٹ ءُ گزر ھوار اَنت۔ آئی ءَ گوشت کہ 8483 کلدار کمائی کنوکیں مردم ءِ ستا کنگ بوتگ کہ آ گریب نہ اِنت، ایشی ءِ سر ءَ چار ءُ تپاسی کنگ بہ بیت۔ اپوزیشن ءِ باسک عامر ڈوگر ءَ گشتگ کہ پٹرولیم لیوی کم کنگ بہ بیت، داسو، گمگیند، ءُ بھاشا ڈیم ءِ ھاتر ءَ داتگیں فنڈز ناکافی انت، مئے دژمن ہندوستان مئے دریاہانی سرا ذخائر جوڑ کنگ ءَ انت۔ صنعتانی بند بوھگ ءِ سبب ءَ بے روزگاری گیش بوھگ ءَ انت، معاشی استحکام سیاسی استحکام ءُ امن ءُ ایمنی ءَ چہ پیداک انت، سرمایہ کاری کنگ بیت، بلے کشت ءُ کشاری ءِ دیمروئی ءِ ھاترا اے بجٹ ءَ ھچ نیست۔ جنوبی پنجاب ءِ محرومی ءِ احساس ءِ دور کنگ ءِ ھاترا مارا جتاھیں صوبہ دیگ بہ بیت۔ ملتان سکھر موٹروے جوڑ کنگ بوتگ، ھمے رنگ ءَ سکھر حیدرآباد موٹروے ءِ واستہ اے بجٹ ءَ زرّ ایر کنگ بوتگ، زوت بندات کنگ بہ بیت۔ ملتان بہاول پور ءِ دو سڑک ءِ منصوبگ سرجم نہ بوتگ، ملتان ڈیرہ غازی خان ءُ ایم ایم منصوبگ سرجم کنگ بہ بنت۔ بجٹ ءِ تہا جنوبی پنجاب ءِ ضلع نظر انداز کنگ بوتگ انت۔