آیوکیں مالی سال 2026-27 ءِ وفاقی بجٹ ءِ سر ءَ راجی اسمبلی ءَ لس باست ءُ واست  برجاہ اِنت

اسلام آباد۔14جون  (اے پی پی): یک شمبے ءِ روچ ءَ راجی اسمبلی ءَ آیوکیں مالی سال 2026-27ءِ وفاقی بجٹ ءِ ھوالگ ءَ لس بحث برجاہ بوتگ۔ اے ساھت ءَ سرکاری باسکاں بجٹ ءَ را پہ عام مردم ءَ جوانیں کوشست لیک اِتگ ءُ گوشتگ کہ بجٹ ءَ کم آمدنی ءِ مردم آنی سر ءَ ٹیکس ءِ بار کم کنگ بوتگ، تنخواہ داریں تبک ءِ واستہ ھم ٹیکس کم کنگ بوتگ، وھدیکہ اپوزیشن ءَ بجٹ ءِ سر ءَ ایراد گپتگ ءُ گوشتگ کہ میان اُستمانی تبک ءِ صارفین ءِ سامان گران بوتگ اَنت۔ یک شمبے ءِ روچ ءَ راجی اسمبلی ءَ آیوکیں مالی سال 2026-27 ءِ وفاقی بجٹ ءِ ھوالگ ءَ جنرل ڈیبیٹ ءَ بھر زوری کنان ءَ ن لیگ ءِ باسک جمال خان کاکر ءَ گوشت کہ بلوچستان ءَ امن ءُ ایمنی ءَ را اولیت دیگ بہ بیت، اود ءِ مردم امن ءِ لوٹ ءَ کن اَنت۔ تفتان ءِ سیمسر پچ کنگ بہ بیت ءُ ادا کسٹم ءِ کارندہ ایر کنگ بہ بنت، ایشی ءَ چہ روزگار ءِ موہ ھم پیداک بنت۔ اپوزیشن ءِ باسک شاہد خٹک ءَ گشتگ کہ اے استیں حکومت ءِ پنچمی بجٹ انت، ملک ءَ مہنگائی ءِ سیلاب انت، پٹرول ءِ نرخ راجدپتر ءِ مستریں کچ ءَ انت، میان استمانی طبقہ ءِ صارفین ءِ سامان گران بوتگ انت، کم آمدنی ءِ مردم مشکلات ءِ آماچ انت، اے مئے ملک انت، پدا اے شرتریں بجٹ اِنت، اے سال ءَ ایف بی آر ءِ ٹارگٹ سرجم نہ بوتگ، کم کنگ بوتگ، آیوکیں سال ءِ ٹارگٹ گیشتر گیش کنگ بوتگ، چوں سرجم بیت؟ اے ٹارگٹ ءِ کمی ءَ چہ مالی جیڑھ پیداک بنت۔ بالواسطہ ٹیکس ءِ ٹارگٹ سرجم نہ بوتگ ات، پدا آئی ءِ ٹارگٹ گیش کنگ بوتگ ات۔ افراط زر ءِ شرح 8 درسد انت بلے بجلی، ٹرانسپورٹ ءَ ھوار دگہ افراط زر باز انت۔ مہلوک ءِ جیڑہانی گیش ءُ گیوار مئے زمہ واری مئے انت۔ آئی ءَ گوشت کہ کشت ءُ کشار ءِ شوبگ ءَ چہ معیشت گہتر بوت کنت، بلے ایشی ءِ واستہ ایوک ءَ چار ارب کلدار ایر کنگ بوتگ، اے جیڈھ آنی گیواری جدیدیت ءِ بنیات ءَ دراج مدتی پالیشی اِنت۔ پاکستان ءَ ھندوستان ءِ دروگیں بیرک ءِ سر ءَ لائکیں پسو دات، ما پاکستانی لشکر ءِ گوما اوشتاتگیں، دژمن سندور ٹو ءَ را دھمکی دیگ ءَ اِنت، مارا وتی دفاع ءَ را مھکم کنگی اِنت۔ جماعت علماء اسلام ءِ باسک عثمان بادینی ءَ گشتگ کہ بلوچستان ءَ استیں معدنیات ءَ چہ پاکستان ءِ وام ہلاس کنگ بوت کنت، البت اودا نندوکیں مہلوک ءِ واستہ ہچ وڑیں پالیسی نیست۔ آئی ءَ گوشت کہ گوادر بندرگاہ ءَ بیست ءُ پنچ سال اِنت کہ کار برجاہ اِنت، بلے اودا نندوکیں نندوکاں ساپیں آپ ءِ رسگ نیست، ءُ ماہی گیر آناں پناہ گاہ نیست۔ باسیما خاران شاہ راہ جوڑ کنگ بہ بیت۔ ما چہ تفتان چمن ءِ مرز ءَ قانونی مرز ءِ تجارت ءِ ریچ لوٹیں ۔ اودا پٹرول نہ بیت، لوڈ شیڈنگ ءِ وھد دراج انت۔