اسلام آباد ءِ نجی وانگجاہاں مزنیں گامگیج زورگ ءَ انت، اولی بھر ءَ 4000 ءَ چہ گیش وانگجاہ ءَ دریں زھگاں مفت داخلہ داتگ

اسلام آباد۔ 14 جون (اے پی پی):  ہچ چُک پشت نہ کپیت“ گامگیج ءِ چیر دستی ءَ اسلام آباد ءِ پرائیویٹ وانگ ءُ زانگ ءِ ادارگ کارپوریٹ سوشل ریسپانسیبلٹی (سی ایس آر) ءِ چیر دستی ءَ اولی بھر ءَ 4000 ءَ چہ گیش اسکول ءَ چہ دریں چُک آناں مفت داخلہ ءِ وسیلگ ءَ دات کن اَنت۔ اے پیشرفت ءِ سرا پیرا ءِ ہیڈ کوارٹر ءَ برجم داشتگیں دیوان ءِ تہا چار ءُ تپاسی کنگ بوتگ کہ ایشی ءِ سروکی ءَ پیرا ءِ چیئرمین ڈاکٹر غلام علی ملاح  بوتگ۔ گند ءُ نند ءَ ڈائریکٹر جنرل نیشنل کمیشن فار ہیومن ڈویلپمنٹ علی اصغر، جیکا ءِ نمائندہ بلال عزیز ءُ پیرا ءِ مزنیں افسراں بہر زرتگ ات۔ شریکیں مردماں وفاقی وانگ ءُ زانگ ءُ پیشہ وارانہ تربیت ءِ وزارت ءِ سروکی ءُ جتا جتائیں شریکیں ادارگ آنی یکجائی کوشست آناں ساڑات ءُ گوشت کہ راجی وانگ ءُ زانگ ءِ ایجنڈا ءِ چیر دستی ءَ ھر یک زھگ ءَ را وانگ ءُ زانگ ءِ دائرہ کار ءِ تہ ءَ آرگ ءِ واستہ موثر گامگیج زورگ بوھگ ءَ اِنت۔ دیوان ءَ را سرپدی دیگ بوت کہ اسلام آباد ءِ میتگی یونین کونسل آنی تہ ءَ 80 ہزار ءِ کساس ءَ لوگ آنی سر ءَ سروے ءِ وھد ءَ 5 ءَ چہ 16 سال ءِ عمر ءِ 24 ہزار ءَ چہ گیش اسکول ءَ چہ دریں زھگ آنی پجار کنگ بوتگ۔ اے زھگ نزیکیں وانگ ءُ زانگ ءِ ادارگاں داخلہ ءِ ھاترا وفاقی ڈائریکٹوریٹ آف ایجوکیشن ءُ پیرا ءَ دیم دیگ بوتگ انت۔ پیرا ءِ چیئرمین ڈاکٹر غلام علی ملا ءَ گوشت کہ اے گامگیج ءَ 100 ءَ چہ گیش پرائیویٹ اسکول آناں ھوار بوتگ انت ءُ آھاں راجی ذمہ واری ءِ درشان ءِ واستہ 4000 ءَ چہ گیش زھگ آناں مفت داخلہ دیگ ءِ پیسلہ کتگ۔ آئی ءَ گوشت کہ پیرا گیش ءَ چہ گیش آؤٹ آف اسکول زھگ آناں نجی وانگ ءُ زانگ ءِ ادارگ آنی تہ ءَ داخل کنگ ءِ واستہ جزم اِنت ءُ نجی وانگ ءُ زانگ ءِ انتظامیہ حکومت ءِ وانگ ءُ زانگ ءِ ایمرجنسی گامگیج ءِ تہ ءَ المی کرد پیلو کنگ ءَ اَنت۔ آئی ءَ گوشت کہ گامگیج ءِ تہ ءَ ھواریں زھگ آناں مفت ءَ درسی کتاب، اسٹیشنری ءُ ایندگر وانگ ءُ زانگ ءِ سامان ھم پجارینگ بنت، وھدیکہ داخلہ، حاضری ءُ وانگ ءُ زانگ ءِ تسلسل ءِ سر ءَ جوانیں رنگ ءَ نگرانی کنگ بیت۔ دیوان ءَ را سرپد کنگ بوت کہ راجی رسمی ءُ غیر رسمی وانگ ءُ زانگ ءِ انتظامی انفارمیشن سسٹم ءِ وسیلگ ءَ گامگیج ءِ شفافیت ءُ نگرانی ءَ را دل یکیمی کنگ بوھگ ءَ انت۔ دیوان ءِ گڈ ءَ شریکیں مردماں اے جزم ءِ پدا زور دات کہ جون 2026 ءِ گڈ ءَ تاں اسلام آباد ءِ وانگ ءُ زانگ ءِ ادارگ آنی تہ ءَ 25ہزار دریں زھگ آناں داخل کنگ ءِ ٹارگٹ سرجم کنگ بیت تانکہ ھچ زھگ چہ وانگ ءُ زانگ ءَ در مہ بیت۔